O Centro Galego de Salamanca organiza unha conferencia, complemento ao seu curso de historia de Galicia, con Pablo C. Díaz Martínez, catedrático de Historia Antiga na Universidade de Salamanca (USAL).

O evento terá lugar no salón multiusos da sede do Centro Galego o luns 2 de febreiro, a partir das 19:15 horas, baixo o título de "El reino suevo de Galicia".

Pablo Díaz centrou as súas investigacións nos procesos de transformación da Antigüidade tardía occidental entre as que figuran as invasións dos pobos bárbaros sobre o Imperio Romano, con alusión concreta ao papel desempeñado polos suevos en Gallaecia formando un reino (411-585).

Máis info: Facebook | Instagram | Web.