O mércores 25 de marzo ás 19,30 h., na sede da entidade galega na capital federal, o Centro Galicia de Bos Aires e a Consejería de Educación da Embajada de España na Arxentina, organizan a conferencia Escritores galegos que escriben en castelán e a súa achega a esta literatura: Valle-Inclán, Cunqueiro, Cela e Torrente, que pronunciará José Antonio Ponte Far, catedrático de instituto e profesor-titor da UNED na delegación de Ferrol. A entrada é de balde.