Ata o 15 de marzo está aberto o prazo de recepción de traballos para o concurso fotográfico Mostra fotográfica Galicia en Mar del Plata organizado polo Instituto Arxentino de Cultura Galega do Centro Gallego de Mar del Prata, coa intención de seleccionar a tapa para a próxima revista da institución.

O obxecto desta mostra é difundir miradas, imaxes, retratos, relacionados co patrimonio cultural da comunidade galega que se atopen na cidade e que exprese o espírito de Galicia e a súa xente. Poden participar persoas de calquera idade e nacionalidade enviando a súa, ou as súas fotos a: cgallegomdp@gmail.com.

Bases e máis información: na secretaría do centro ou en www.cgallegomdq.com.ar