O sábado 16 de marzo a partir das 21,30 h., na sede da entidade no barrio Juan Bautista Alberdi, o Centro Gallego de Santa Fe celebrará unha cea solidaria e de irmandade, con carácter de benvida ao ano 2013.

O custo do menú é de 100 $ (é preciso facer reserva ata o xoves 14 nos tlf. 154 274718, 4522120 ou 154 081043), e estará composto por asado con coiro, ensaladas varias e postre xeado; amenizará o conxunto Buenas Ondas. Na trasnoite servirase pata flameada.