O xoves 14 de novembro ás 19,00 h., na sede do Institut d’Estudis Catalans da cidade condal, promovido polo Consello da Cultura Galega e organizado en colaboración co Institut d´Estudis Catalans, os Estudis Gallecs i Portuguesos e o Centre Dona i Literatura da Universitat de Barcelona, celebrarase o seminario Catalunya i Rosalía de Castro. 150 anys de "Cantares Gallegos".

Presidirán o acto Joan Doménec Ros Aragonés (presidente do Institut d´Estudis Catalans) e Ramón Villares (presidente do Consello da Cultura Galega).

Intervencións:

• Lluïsa Juliá (Universitat Oberta de Catalunya): Rosalía a Catalunya: recepció i debat identitari
• Marta Font i Espriu (Centre Dona i Literatura de la Universitat de Barcelona): Rosalía, mar de fons, a Espriu i Marçal
• Xesús Alonso Montero (presidente da Real Academia Galega): Que significa escribir e publicar en galego un libro no ano 1863 ("Cantares gallegos")? Catalunya, o marco máis axeitado para este achegamento a Rosalía