O xoves 3 de abril ás 11,00 h., na aula 153 da Universidade de Deusto, a Cátedra de Estudos Galegos da Universidade de Deusto organiza o encontro Camiños de ida e volta / Joan-etorriko bidea.

• O acto contará coa participación de dous tradutores ben recoñecidos nos seus respectivos ámbitos culturais e literarios:
  -O galego Isaac Xubín, que vén de publicar a tradución ao galego da novela Pasaia Blues, de Harkaitz Cano
  -E o navarro Joxemari Sestorain, tradutor ao éuscaro de Poesía última de amor e enfermidade, de Lois Pereiro
  Deste xeito, o evento servirá para presentar estas dúas novidades editoriais.
• Por mor do aforo limitado da sala 153, prégaselles ás persoas interesadas en asistir que confirmen a súa presenza enviando un correo electrónico ao enderezo euskal.gaiak@deusto.es