O sábado 22 de setembro a partir das 16,00 h., na sede da Asociación Galega Residentes de Vigo de Bos Aires, Elena Rey Oubiña, directora-fundadora da Agrupación Cultural Lembranzas de Cambados, presenta o 2º Encontro-Xuntanza de Música e Cantares da Nosa Terra.

Contarase coa presenza, entre outros grupos, do Coro Os Rumorosos do Centro Betanzos, Cantareiras do Louro de Residentes de Mos, Coro Residentes de Vigo, Grupo de Gaitas e Baile Airiños de Casa de Galicia, Coro do Centro Gallego de Buenos Aires, Cantareiras Residentes de Vigo, Conxunto Mouchos e Coruxas, o gaiteiro Javier Vence, de Residentes de Vigo, e confirmarán a súa presenza tamén, Xeito Novo e Centro Galicia de Bos Aires, así como os mestres Raúl Esposito e Luis Ceriani, que cos seus instrumentos executarán temas do repertorio tradicional galego.