Reencontros co Xacobeo. Ano 2021
Obxecto:
Promover a participación da colectividade galega no exterior na nosa vida cultural e social mediante o desenvolvemento de actividades culturais e de tempo libre relacionadas co Camiño de Santiago e co Xacobeo. Estas actividades están dirixidas ás persoas de 65 anos ou máis, vinculadas ás entidades galegas dos países de Europa e Comunidades Autónomas de España.
Entidades destinatarias:
Poderán ser beneficiarias das subvencións establecidas nesta convocatoria todas as entidades galegas inscritas no Rexistro da Galeguidade.
Cada entidade galega poderá solicitar a participación do número de persoas que aparecen reflectidas nos Anexos A e B da orde de convocatoria, segundo estean asentadas en países de Europa ou Comunidades Autónomas de España.
Unha vez finalizado o prazo de presentación das solicitudes, a entidade solicitante non poderá propor a participación de outras persoas diferentes ás indicadas na solicitude.
A idade das persoas propostas por cada entidade galega para participar no programa estará nos 65 ou máis anos e deben poder valerse por si mesmas e realizar con normalidade as actividades do programa.
Número de prazas convocadas:
Convócanse 150 prazas dirixidas a entidades galegas do exterior distribuídas do seguinte xeito:
Anexo A
| Prazas ofertadas nos Países de Europa | ||
|---|---|---|
| País | Nº prazas ofertadas |
Nº de prazas máximas que pode solicitar cada Entidade Galega polo País ou Grupo Destes no que estea asentada |
| Suíza - Liechtenstein | 25 | 15 |
| Alemaña | 10 | 5 |
| Resto de Europa | 15 | 5 |
| Prazas totais | 50 | |
Anexo B
| Prazas ofertadas nas Comunidades Autónomas de España | ||
|---|---|---|
| Comunidade Autónoma ou Agrupación Destas | Nº prazas ofertadas |
Nº de prazas máximas que pode solicitar cada Entidade Galega pola Comunidade Autónoma ou Grupo Destas no que estea asentada |
| Andalucía, Ceuta e Extremadura | 8 | 4 |
| Canarias | 3 | 2 |
| Cataluña | 31 | 15 |
| C. Valenciana, ReXión de Murcia, Baleares e Castela a Mancha | 8 | 4 |
| Castela - León, Principado de Asturias, Cantabria, A Rioxa e Aragón | 15 | 7 |
| Madrid | 17 | 8 |
| País Vasco e Navarra | 18 | 9 |
| Prazas Totais | 100 | |
Características do programa:
O programa consiste en que as persoas seleccionadas coñezan o patrimonio cultural e natural das respectivas zonas polas que pasa o Camiño de Santiago e realicen actividades de balneario no lugar de aloxamento.
Para iso, o programa organízase en dúas quendas:
- a) Na primeira semana de outubro viaxarán as persoas procedentes de países de Europa.
- b) Na segunda semana de outubro viaxarán as persoas procedentes das comunidades autónomas de España.
A Secretaría Xeral da Emigración farase cargo da organización da viaxe e dos traslados das persoas participantes mediante o financiamento do custo dos billetes dende o lugar de residencia das persoas participantes ata Galicia e regreso.
Así mesmo, encargarase dos desprazamentos terrestres en Galicia, do aloxamento e da manutención das persoas participantes.
Na páxina web da Secretaría Xeral da Emigración (https://emigracion.xunta.gal) informarase da programación das actividades que se van a realizar así coma do lugar de aloxamento.
Solicitudes e documentación:
Os modelos normalizados de solicitude e documentación complementaria (anexos I e II) poderán obterse nas páxinas web https://sede.xunta.es e https://emigracion.xunta.gal.
| FORMULARIOS DE TRAMITACIÓN DAS SOLICITUDES: | Sede electrónica da Xunta de Galicia |
- Texto completo da convocatoria no D.O.G.: picar aquí para descargar
- Extracto da convocatoria no D.O.G.: picar aquí para descargar
A.- Entidades con sede social en España
As entidades con sede social en España presentarán as solicitudes obrigatoriamente por medios electrónicos a través do formulario normalizado que figura como anexo I da resolución, dispoñible na sede electrónica da Xunta de Galicia https://sede.xunta.gal.
Para a presentación das solicitudes poderase empregar calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
B.- Entidades con sede social en Europa
Excepcionalmente, as entidades domiciliadas fóra do territorio español poderán presentar as solicitudes por calquera dos seguintes procedementos:
- En soporte papel utilizando o formulario normalizado dispoñible na sede electrónica da Xunta de Galicia.
En calquera dos lugares e rexistros establecidos na normativa reguladora do procedemento administrativo común, utilizando o formulario normalizado dispoñible na sede electrónica da Xunta de Galicia, https://sede.xunta.gal.
O medio de presentación elixido manterase para calquera tipo de relación coa Secretaría Xeral da Emigración ata que remate o procedemento.
No caso de enviarse por correo, o envío deberá ser certificado, co selo de Correos na primeira folla do formulario para garantir que a data de remisión é anterior á de peche da convocatoria.
Enderezo ao que deben enviarse:
Secretaría Xeral da Emigración
Praza Mazarelos, nº 15
15703 Santiago de Compostela.
- Por vía electrónica a través do formulario normalizado que figura como ANEXO I desta resolución, dispoñible na sede electrónica da Xunta de Galicia, https://sede.xunta.gal, cos mesmos requisitos esixidos no apartado 1 para as entidades con sede social en España.
As entidades só poderán presentar unha única solicitude para a participación no programa.
As solicitudes ou a documentación que se presente por Correo Electrónico non terá validez para os efectos da constancia de presentación nin de cumprimento de prazos.
Contacto e información:
Secretaría Xeral da Emigración
Teléfonos: 981 547 239 / 981 547 265
Correo electrónico: subdireccionxeral.emigracion@xunta.gal
Prazo de presentación das solicitudes:
O prazo de presentación de solicitudes será dun mes contado a partir do día seguinte ao da data de publicación desta resolución no Diario Oficial de Galicia.