Programa de axudas para a participación no Programa “Conecta con Galicia”, Actividades de Aire Libre no ano 2020
Obxecto: Facilitar á mocidade da Galicia exterior o contacto coa realidade galega e o encontro cos seus familiares.
Requisitos esenciais dos participantes: mozos e mozas de entre 15 e 20 anos, residentes habituais fóra de Galicia, nacidos en Galicia ou descendentes de persoas emigrantes galegase con nacionalidade española.Os maiores de 18 anos acreditarán a súa vinculación cun concello galego no censo electoral de residentes ausentes.
Número de prazas convocadas e características - Actividades de aire libre:
Convócanse 174 prazas, con idades comprendidas entre os 15 e os 20 anos, no mes de xullo, co seguinte programa:
- “Cultura e camiño”, as persoas participantes aloxaranse cinco días, preferentemente, nas residencias xuvenís LUG II en Lugo e Florentino López Cuevillas en Ourense, participarán en actividades para coñecer o Patrimonio Histórico Cultural das respectivas zonas e percorrerán a pé o Camiño de Santiago en diferentes etapas ata chegar a Compostela.
- “O mar de Galicia”, outros cinco días aloxaranse en zona de costa, preferentemente, no albergue xuvenil de Gandarío en Bergondo (A Coruña), onde realizarán actividades de náutica, de recreo e de coñecemento do medio mariño.
- Os dous días restantes visitarán empresas punteiras de Galicia.
Nestas 174 prazas inclúense 14 prazas para residentes no resto de España (excepto Galicia), e 6 para residentes no resto de Europa.
Financiamento:
Este Programa cubre a totalidade dos gastos de aloxamento, manutención e desprazamentos en Galicia. Os custes dos billetes de ida e volta desde os países de orixe a Galicia financiaranse ao 100%, ao 50% ou ao 0%, segundo o establecido naresolución. Aquelas persoas participantes que opten polo financiamento do 0% deberán pagar elas todo o custe dos billetes de ida e volta desde os países de orixe a Galicia.
| Prazas actividades ao aire libre 2020 (15-17 anos) | |||||||
|---|---|---|---|---|---|---|---|
| PAÍS | Quendas | Financiamento | |||||
| 1ª quenda | 2ª quenda | Total | 100% | 50% | 0% | Total | |
| Arxentina | 14 | 15 | 29 | 13 | 12 | 4 | 29 |
| Brasil | - | 5 | 5 | 3 | 1 | 1 | 5 |
| Cuba | - | - | 0 | - | - | - | 0 |
| Uruguai | 17 | 2 | 19 | 10 | 6 | 3 | 19 |
| Venezuela | - | 9 | 9 | 9 | - | - | 9 |
| Resto de América | 3 | 3 | 6 | 3 | 2 | 1 | 6 |
| Resto de España | 2 | 2 | 4 | - | - | 4 | 4 |
| Resto de Europa | 1 | 1 | 2 | - | 1 | 1 | 2 |
| TOTAIS | 37 | 37 | 74 | 38 | 22 | 14 | 74 |
| Prazas actividades ao aire libre 2020 (18-20 anos) | |||||||
|---|---|---|---|---|---|---|---|
| PAÍS | Quendas | Financiamento | |||||
| 1ª quenda | 2ª quenda | Total | 100% | 50% | 0% | Total | |
| Arxentina | 19 | 15 | 34 | 17 | 13 | 4 | 34 |
| Brasil | 3 | 4 | 7 | 4 | 2 | 1 | 7 |
| Cuba | - | 7 | 7 | 7 | - | - | 7 |
| Uruguai | 10 | 4 | 14 | 10 | 3 | 1 | 14 |
| Venezuela | 5 | 13 | 18 | 18 | - | - | 18 |
| Resto de América | 4 | 2 | 6 | 2 | 2 | 2 | 6 |
| Resto de España | 5 | 5 | 10 | - | - | 10 | 10 |
| Resto de Europa | 2 | 2 | 4 | - | 2 | 2 | 4 |
| TOTAIS | 48 | 52 | 100 | 58 | 22 | 20 | 100 |
Lugar de presentación das solicitudes:
1. As solicitudes presentaranse preferiblemente por vía electrónica a través do formulario normalizado accesible na sede electrónica da Xunta de Galicia, https://sede.xunta.gal.
As persoas solicitantes que non posúan certificado electrónico e así o desexen poderán dirixirse ás entidades colaboradoras que se indican a seguir, nas cales existen persoas habilitadas para o efecto, para a presentación electrónica das súas solicitudes:
En Arxentina:
- Delegación da Xunta de Galicia en Buenos Aires.
En Uruguai:
- Delegación da Xunta de Galicia en Montevideo.
En Brasil:
- Peña Gallega da Casa de España de Río de Janeiro.
- Sociedad Hispano Brasileña de Socorros Mutuos e Instrucción de São Paulo.
- Sociedad de Socorros Mutuos y Beneficencia Rosalía de Castro en Santos.
En Cuba:
- Federación de Sociedades Gallegas en La Habana.
En Venezuela:
- Hermandad Gallega de Venezuela en Caracas.
2. Opcionalmente, tamén se poderán presentar as solicitudes en soporte papel en calquera dos lugares e rexistros establecidos na normativa reguladora do procedemento administrativo común.
3. Na súa solicitude, as persoas interesadas farán constar a súa preferencia para o regreso en función da quincena en que vaian participar.
| FORMULARIOS DE TRAMITACIÓN DE SOLICITUDES: | picar aquí para acceder á Sede electrónica |
Documentación que se xunta:
- Resolución da convocatoria no DOG (pique aquí)
- Extracto da convocatoria no DOG (pique aquí)
*Nota: Permite cubrir os datos directamente sobre o formulario e a continuación imprimir o documento. Non se pode gardar o documento xa que se perderán todos os cambios realizados.
NOTA IMPORTANTE SOBRE O PRAZO DE SOLICITUDE: Segundo o establecido no punto Sétimo do acordo da RESOLUCIÓN do 15 de marzo de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade ao acordo do Centro de Coordinación Operativa (Cecop), mediante o que se adoptan medidas preventivas en lugares de traballo do sector público autonómico como consecuencia da evolución epidemiolóxica do coronavirus COVID-19, suspéndense os termos e interrómpense os prazos para a tramitación dos procedementos das entidades do sector público. O cómputo dos prazos reiniciarase no momento en que perda vixencia o presente acordo ou, se é o caso, as prórrogas deste.