Programa de axudas para a participación no Programa “Campos de traballo”, no ano 2018
Obxecto: Facilitar á mocidade da Galicia exterior o contacto coa realidade galega e o encontro cos/coas seus/súas familiares.
Requisitos esenciais dos/as participantes: mozos e mozas de entre 20 e 30 anos, residentes habituais fóra de Galicia, nacidos/as en Galicia ou descendentes de persoas emigrantes galegas e con nacionalidade española. Deberán acreditar a súa vinculación cun concello galego no censo electoral de residentes ausentes.
Número de prazas convocadas e características:
Convócanse 22 prazas para mozos e mozas con idades comprendidas entre os 20 e 30 anos. Realizarán actividades de colaboración desinteresada e voluntaria en traballos diversos na procura dun maior coñecemento da nosa cultura, da mellora ambiental do noso contorno e da recuperación do patrimonio cultural e arquitectónico. Ademais do traballo, ofrécese un programa con actividades de convivencia, de formación, de lecer e tempo libre.
Estas actividades desenvolveranse no mes de agosto en Portomarín.
Nestas 22 prazas inclúense 2 prazas para residentes no resto de España (excepto Galicia), e 2 para residentes no resto de Europa.
Financiamento:
Este Programa cubre a totalidade dos gastos de aloxamento, manutención e desprazamentos en Galicia. Os custos dos billetes de ida e volta desde os países de orixe a Galicia financiaranse ao 100%, ao 50% ou ao 0%, segundo o establecido na resolución. Aquelas persoas participantes que opten polo financiamento do 0% deberán aboar elas mesmas todo o custo dos billetes de ida e volta desde os países de orixe a Galicia.
| Prazas Campos de Traballo 2018 | ||||
|---|---|---|---|---|
| País | 100 % | 50 % | 0 % | TOTAL |
| Arxentina | 2 | 2 | 1 | 5 |
| Brasil | 1 | 1 | 1 | 3 |
| Cuba | 2 | - | - | 2 |
| Uruguai | 1 | 2 | 1 | 4 |
| Venezuela | 2 | - | - | 2 |
| Resto de América | 1 | 1 | - | 2 |
| Resto de España | - | - | 2 | 2 |
| Resto de Europa | - | 1 | 1 | 2 |
| TOTAIS | 9 | 7 | 6 | 22 |
Lugar de presentación das solicitudes:
- As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal.
Para a presentación das solicitudes poderá utilizarse calquera dos mecanismos de identificación e firma admitidos pola sede electrónica da Xunta de Galicia, incluído o sistema de usuario e clave Chave 365 (https://sede.xunta.gal/chave365).
Para obter máis información sobre a convocatoria os/as interesados/as deben dirixirse, segundo os países de residencia, ás entidades seguintes:* En Arxentina:
Delegación da Xunta de Galicia en Buenos Aires
* En Uruguai:
Delegación da Xunta de Galicia en Montevideo
* En Brasil:
– Peña Gallega da Casa de España de Río de Janeiro.
– Sociedad Hispano Brasileña de Socorros Mutuos e Instrucción de São Paulo.
– Sociedad de Socorros Mutuos y Beneficencia Rosalía de Castro en Santos.
* En Cuba:
– Federación de Sociedades Gallegas en La Habana.
* En Venezuela:
– Hermandad Gallega de Venezuela en Caracas. - Opcionalmente, tamén se poderán presentar as solicitudes en soporte papel en calquera dos lugares e rexistros establecidos na normativa reguladora do procedemento administrativo común.
- Na súa solicitude, as persoas interesadas farán constar a súa preferencia para o regreso.
| FORMULARIOS DE SOLICITUDE | picar aquí para acceder á Sede Electrónica |
Documentación para descargar:
- Texto íntegro da convocatoria no D.O.G. (picar aquí para descargar)
- Extracto da convocatoria no D.O.G. (picar aquí para descargar)