Galería de imaxes de Conecta con Galicia no Camiño 2026, programa da Secretaría Xeral da Emigración da Xunta de Galicia, en colaboración coa Dirección Xeral de Xuventude da Consellería de Cultura, Lingua e Xuventude, na que participaron un centenar de mozas e mozos galegos do exterior, procedentes da Arxentina, O Brasil, Cuba, O Uruguai, Venezuela e México.

A iniciativa, que este ano cumpriu a súa 36ª edición, permite reforzar os vínculos dos mozos residentes no exterior con Galicia, a través do Camiño de Santiago, ademais de promover o intercambio cultural. Os participantes que se aloxaron na residencia xuvenil Altamar, en Vigo, realizaron o Camiño Portugués, mentres que os que estiveron na residencia Florentino López Cuevillas, en Ourense, completaron a Vía da Prata.