A Casa de Galicia en León organiza o sábado 11 de abril unha nova ruta de sendeirismo, nesta ocasión polo Canón de Forcadura e a Praia dos Ananos, na zona de Sanabria.

Esta ruta ten unha distancia de 14 quilómetros, cunha dificultade media. Ademais, inclúese a comida.

Para esta ocasión, tamén propoñen unha opción alternativa para aqueles que non desexen facer a andaina. Neste sentido, viaxan co grupo e poden desfrutar da mañá paseando polo pobo de Puebla de Sanabria, visitando o seu castelo e camiñando polas súas rúas medievais.

A saída terá lugar ás 7:30 horas dende as instalacións da Casa de Galicia.

Prezo: 47€ socios/as | 50€ non socios/as | Ruta alternativa: 40€.

Máis info: Facebook | Instagram.