A Asociación Vagalume Corredor do Henares, entidade da localidade madrileña de Alcalá de Henares, celebra o sábado 21 de marzo, ás 18:00 horas, o seu IV Encontro Literario Galego-Castelán, en colaboración coa Asociación Nacional Verso Aberto.

Nesta ocasión, o tema é A poesía e a emigración, unha oportunidade para compartir emocións, lembranzas e historias a través da palabra. Entre as actividades na xornada cultural estarán:

• Declamación de poesías en galego e castelán con tres voces de cada asociación.
• Relatorios de Francisco Javier Illán e José Fernando Garcia Ciniceros.
• Actuacións musicais en directo e escenas teatrais.

Ademais, están convidados os intérpretes Maribel Domínguez, Xosé Luna e Luis Miguel García de Mora.

Máis info: Facebook | Instagram.