O Centro de Estudos Galegos da Universidade do Minho organiza do martes 10 de febreiro ao domingo 15 de marzo unha nova edición, a duodécima, do Festival Cultural Convergências Portugal-Galiza.

Será un mes cargado de actividades que terán lugar, ademais de en Braga (cidade lusa sede do Centro de Estudos), nas localidades galegas de Padrón, Ponteareas, A Estrada e Santiago de Compostela.

Este festival cultural inclúe música, danza, teatro, cine e literatura, unhas actividades que se celebran arredor da data do 23 de febreiro, data de nacemento de Rosalía de Castro e do falecemento do cantautor portugués José Afonso.

Entre as actividades destacadas do Festival:

• 10 de febreiro (11:00 horas): Presentación do programa das XII Convergências Portugal-Galiza - Auditorio da Escola de Letras, Artes e Ciências Humanas da Universidade do Minho de Braga.
• 10 de febreiro (21:00 horas): Ciclo de cinema galego - Biblioteca Lúcio Craveiro da Silva de Braga.
• 17 de febreiro (21:30 horas): Ciclo de cinema galego - Biblioteca Lúcio Craveiro da Silva de Braga.
• 18 de febreiro (21:30 horas): Mesa-redonda "A Música de Portugal e Galiza, da origem à contemporaneidade" - Sala multiusos, GNRation de Braga.
• 21 de febreiro (21:30 horas): "Os Seráns de Vilancosta" coa Escola Municipal de Artes Escénicas da Estrada - Auditório Vita de Braga.
• 22 de febreiro (17:00 horas): Concerto tributo a José Afonso e Rosalía de Castro coa Orquestra Filarmónica de Braga - Theatro Circo de Braga.
• 24 de febreiro (21:30 horas): Ciclo de cinema galego - Biblioteca Lúcio Craveiro da Silva de Braga.
• 27 de febreiro (21:30 horas): Recital de poesía "Gallaecia" - Biblioteca Lúcio Craveiro da Silva de Braga.
• 28 de febreiro (21:30 horas): Concerto de Uxía “Será por Flores: Gira 40 anos” - Auditório Vita de Braga.
• 1 de marzo (16:00 horas): "Danças e Cantares da Raia" - Praça da República de Braga.
• 6 de marzo (21:30 horas): Braga Teatro coa obra “Agora As Vellas e Os Vellos Xa Se Poden Namorar” - Salão da Junta de Freguesia de Tenões de Braga.
• 7 de marzo (17:00 horas): Charla / concerto: “Rosalía, José Afonso - Reencontros” - Casa de Rosalía de Castro de Padrón.
• 13 de marzo (21:30 horas): Teatro “À Narcisa” - Salão da Junta de Freguesia de Nogueiró de Braga.
• 14 de marzo (20:00 horas): Concerto “Gira dos 40 Anos Canto D'Aqui” - Auditorio Reveriano Soutullo de Ponteareas.
• 15 de marzo (13:00 horas): Concerto do Grupo Folclórico Dr. Gonçalo Sampaio e visita guiada ao centro histórico de Compostela - Santiago de Compostela.

Ademais de todos estes actos, a Biblioteca Lúcio Craveiro da Silva de Braga terá aberta do 10 ao 26 de febreiro unha exposición de Manuel Rodríguez López, unha mostra da vida e obra do escritor galego natural de Paradela.

Máis info: Facebook | Evento Facebook.