O sábado 18 de maio a partir das 20:00 h, na sede da entidade galega na cidade hanseática, a Asociación Cultural Galega de Hamburgo e.V. celebra o Día das Letras Galegas 2019, a gran festa da nosa cultura que na presente edición a Real Academia Galega acordou dedicar a Antonio Fraguas.

• Acto cultural no que se explicará a historia e importancia da celebración do día das Letras Galegas, repasarase a vida e obra do homenaxeado e a súa vinculación co galeguismo, farase unha lectura dunha selección da súa obra e comentarase a importancia da mesma dentro da cultura galega.
• A celebración acompañarase cunha selección de empanadas e cervexas e viños galegos.

Máis info: Facebook