Do martes 23 de febreiro ao luns 21 de marzo, no Pazo de Fonseca en Santiago de Compostela, pode visitarse a exposición Galicia imaxinada nas revistas da emigración, unha mostra que retrata a Galicia dos/as emigrantes: a real e a idealizada. Faino a través de vinte paneis que permiten visualizar a influencia da emigración na creación da imaxe da Galicia no século XIX.

• A exposición Galicia Imaxinada establece o seu discurso coa revisión de revistas porteñas como 'Céltiga', 'Suevia' e 'Almanaque Gallego', xunto coas habaneiras 'Eco de Galicia' e 'Tierra Gallega', entre moitas outras. Unha mostra que, alén de reconstruír a Galicia dos/as emigrantes: símbolos, tradicións e tópicos, permite tamén acadar unha imaxe completa da cultura visual da época
• Horario de visita: de luns a sábado, de 11,00 a 14,00 h. e de 17,00 a 20,30 h.