O luns 22 e o martes 23 de abril en horario de 9,00 a 18,00 h., na sede da entidade no barrio da Balvanera, a Asociación de Empresarios Gallegos de Argentina (AEGA) organiza unhas xornadas de encontro co Instituto Galego de Promoción Económica (IGAPE), institución dependente da Consellería de Economía e Industria da Xunta de Galicia.

• O persoal directivo do IGAPE manterá entrevistas personalizadas co empresariado interesado nos mercados exteriores, e poderán facer difusión dos seus produtos e servizos, así como tamén expoñer as súas consultas respecto ao comercio con Galicia e empresas galegas no mundo, que inclúa compra e venda de produtos, investimentos inmobiliarios e industriais e todo tipo de relacións económicas con empresas galegas.
• Durante o encontro os empresarios e empresarias de orixe galega en Arxentina, contarán coa oportunidade de recibir información detallada sobre os servizos e axudas das que dispón o IGAPE para dar apoio ás iniciativas de internacionalización.
• Solicitude de entrevistas:
  -Comunicarse no tlf. 15-3277-2286 ou nos enderezos de correo-e secretaria@aega.org.ar ou comex@aega.org.ar
  -Rexistraranse as solicitudes outorgándoselle un horario especial para cada empresario ou empresaria, sendo a atención persoal por parte das autoridades do IGAPE