O Centro Galego de Alicante comeza o outono cunha gran celebración, a súa particular Festa do Marisco. Será o sábado 18 de outubro, a partir das 14:00 horas, na súa sede.

Ao máis puro estilo da festividade que ten lugar cada ano no concello galego do Grove, a Entidade pon a disposición dos asistentes un completo menú, no que o marisco será a gran estrela. Este estará composto por:

• Marisco frío: salpicón de marisco, lagostinos e gamba branca.
• Marisco quente: croquetas de marisco, croquetas de bacallau, zamburiñas en salsa americana e mexillóns á mariñeira.
• Arroz de marisco, sepia e gambas.
• Torta de Santiago.
• Bebidas e café.

Ademais, tamén haberá queimada e música con grupos de gaiteiros.

Prezo: 36€.

Reservas (ata o 13 de outubro): 648 47 13 93 | centrogallego@hotmail.es.

Máis info: Facebook | Instagram.