Do luns 9 de marzo ao mércores 15 de abril estará exposta, na sede do Instituto Cervantes da cidade carioca, a mostra Os adeuses. Fotografías de Alberto Martí, organizada polo Consello da Cultura Galega e Agadic, e por medio do Centro Galego de Artes da Imaxe (CGAI- Filmoteca de Galicia) e a colaboración do Instituto Cervantes de Río de Xaneiro.

Trátase dunha exposición itinerante composta por 73 imaxes en branco e negro do fotógrafo coruñés Alberto Martí que retratan o éxodo galego a América desde os portos da Coruña e Vigo e o retorno destas persoas durante o período que vai desde o 1957 ata o 1963.

• Horario:
  -Luns a venres de 10,00 a 18,00 h.
  -Sábados de 10,00 a 17,00 h.