Con gallo do 64º aniversario do pasamento de Alfonso Daniel Rodríguez Castelao, o martes 7 de xaneiro ás 18,30 h. na praza que en Bos Aires leva o nome do insigne galeguista, a Federación de Asociaciones Gallegas de la República Argentina organiza unha homenaxe á memoria do de Rianxo, durante a que se colocará unha ofrenda floral no monumento que o recorda, destacarase a súa figura, entonarase o himno galego e a Banda de Gaitas Dúas Beiras interpretará cancións tradicionais galegas.