O sábado 29 e o domingo 30 de xuño a Escola de Música Tradicional Galega A Píntega Marela organiza un obradoiro de interpretación de gaita que contará coa participación de Pablo Devigo, o recoñecido e laureado gaiteiro de Castro Caldelas.

• Está dirixido a todas e todos os gaiteiros interesados en mellorar a súa interpretación, a súa técnica e corrixir certos aspectos ou a todos os gaiteiros  e as gaiteiras en xeral que queiran coñecer as novas tendencias na gaita galega
• Son precisos uns mínimos coñecementos previos aínda que non é necesario ter un nivel avanzado para inscribirse e vai ser fundamentalmente práctico (existe a posibilidade de inscrirse como alumno ou alumna oínte no caso de non ter coñecementos previos)
• Neste curso de interpretación haberá traballo individual con Pablo Devigo da interpretación de temas propostos polo alumno ou alumna en cada nivel
• Esquema do curso:

  - Saúde e práctica postural
  - Sistemas e técnicas de afinación
  - Técnicas de estudo
  - Articulación e ornamentación
  - Traballo de aspectos interpretativos sobre o repertorio proposto polo alumno ou alumna

• Horario: de 10,00 a 14,00 h. e de 16,00 a 20,00 h.

• Matrícula:
  -85 € para o alumnado activo (65 € para os alumnos e alumnas da Escola A Píntega Marela)
  -55€ para os alumnado oínte (40 € para os alumnos e alumnas da Escola A Píntega Marela)

• Facilitarase material didáctico e ao final do curso entregarase un diploma acreditativo da realización do mesmo

• As prazas son limitadas segundo a orde de preinscrición

• Máis información:
  -apintegamarela@gmail.com
  -www.juanluna.es
  -www.apintegamarela.org