Co gallo do Día das Letras Galegas, dedicado este ano ao dramaturgo compostelán Roberto Vidal Bolaño, o Centro Cultural Gallego de Francfort del Meno e.V. organiza o seu III Certame literario.

• Convócanse dúas categorías, unha infantil (ata os 17 anos) e outra para as persoas adultas (a partir dos 18 anos).
• Está aberto a todas as persoas interesadas no mesmo, con independencia da súa nacionalidade ou lugar de residencia.
• As obras deben estar escritas en galego.
• A extensión dos traballos ha de ser breve, non superando os dous folios a unha soa cara.
• Temas: "Destino Alemaña" e "Os nenos da emigración"
• Os exemplares deben enviarse xunto cos datos persoais (nome e apelidos, tlf., enderezo e correo-e) a:

Centro Cultural Gallego de Francfort del Meno e.V.
An der Staufenmauer 14
60311 Frankfürt am Main
centrogallegoffm@arcor.de
alejandraplaza10@gmail.com

• Prazo de presentación de traballos: antes do 10 de maio de 2013.
• Fallo do xurado: 16 de maio de 2013.
• Os premios entregaranse o domingo 19 de maio durante a celebración do Día de Galicia na Konstablerwache, Frankfürt.