Do venres 9 ao domingo 11 de novembro represéntase, no Teatro Rosalía de Castro da entidade, Hoy no me puedo levantar, o primeiro musical cantado totalmente en vivo na Hermandad Gallega. O espectáculo contén os éxitos do grupo Mecano, e conta coa dirección musical de Delia Dorta, as coreografías de Erika Oya e Elías Lugo, e a dirección xeral e posta en escea de Adolfo Oliveira.

As entradas están á venda no corredor da piscina e nos despachos do teatro nos días da representación, cun custo de 70 $ para as e os socios e de 90 $ para as persoas non asociadas xa que inclúe a entrada ao clube (só o domingo).

Horario das representacións:

• Venres, 9 de novembro: 20,00 h.
• Sábado, 10 de novembro: 20,00 h.
• Domingo, 11 de novembro: 18,00 h.