A A.C.G. Rosalía de Castro de Cornellá convoca o XXVI Certame de poesía "Rosalía de Castro" e o IX Certame de narrativa "Rosa Reboredo". En ambos os dous casos o prazo de recepción dos traballos remata o 15 de outubro de 2012 (as bases completas pódense consultar na imaxe que se achega na marxe dereita).

• Ao certame de poesía "Rosalía de Castro" poderanse presentar poemas escritos en lingua galega, cun mínimo de trinta e un máximo de cen versos, admitíndose conxuntos de poemas de temática común sempre que non excedan dos cen versos. Haberá un 1º, 2º e 3º premio, dotados con 500, 300 e 200 € respectivamente.
• Ao certame de narrativa "Rosa Reboredo Civeira" pódense presentar narracións ou conxunto de narracións de entre dúas e sete páxinas -en A4 a dobre espazo en letra de corpo tamaño 12- escritas en lingua galega ou catalá. A temática dos traballos deberá estar enfocada en achegar á sociedade os valores humanos máis exemplares, ofrecendo á mocidade modelos de civismo, solidariedade, convivencia e respecto polos e polas demáis e o medio ambiente. Está dotado con 500 €.