Galería de imaxes da Gran Romaría Galega de Bos Aires 2025, organizada pola colectividade galega en Arxentina, co apoio da Xunta de Galicia, con motivo do Día de Galicia. Celebrada o pasado 28 de xullo de 2025, ao evento asistiu o delegado da Xunta na Arxentina, Alejandro López Dobarro.

A celebración congregou a máis de 4.000 persoas e contou con arredor de 400 artistas e máis de 20 entidades galegas da Arxentina, con grupos procedentes de Bos Aires, Rosario, Rafaela, La Plata ou Santa Fe. Este acontecemento foi unha expresión viva da identidade colectiva da comunidade galega no exterior e unha mostra máis da riqueza cultural de Galicia, así como da unión interxeracional que caracteriza á emigración galega.