Do mércores 16 de decembro ao sábado 27 de febreiro de 2016, na CâmeraSete - Casa da Fotografia de Minas Gerais, estará exposta a mostra Os adeuses. Fotografías de Alberto Martí, organizada polo Consello da Cultura Galega e a colaboración do Instituto Cervantes de Belo Horizonte, a Embaixada de España no Brasil, a Fundação Clóvis Salgado e a Prefeitura de Belo Horizonte.

Trátase dunha exposición itinerante composta por 51 imaxes en branco e negro do fotógrafo coruñés Alberto Martí que retratan o éxodo galego a América desde os portos da Coruña e Vigo e o retorno destas persoas durante o período que vai desde o 1957 ata o 1963.

• Datas da exposición: do 16 de decembro 2015  ao 27 de febreiro de 2016
• Horario de visita (a entrada é de balde): de martes a sábado de 9,30 a 21,00 h.