O venres 24 de marzo ás 19:30 h, no King's College de Londres, terá lugar a sexta sesión do Galician Film Forum, na que se proxectará o documental Os días afogados (2015), filme dirixido por César Souto Vilanova e Luis Avilés Baquero.

• Os días afogados, (87'), Premio Mestre Mateo 2016 na categoría de Documental, narra o conflito que viviron os veciños e veciñas das aldeas de Aceredo e Buscalque (Lobios-Ourense), anegadas pola construción do encoro de Lindoso (Portugal) en 1992. A película utiliza imaxes históricas para reconstruír a loita da veciñanza para conservar os seus fogares
• O filme proxéctase na súa versión orixinal en galego, con subtítulos en inglés
• Ao final da proxección haberá unha charla con membros do equipo que fixo a película

Entradas (de balde, pero é preciso reservar): www.eventbrite.co.uk

Máis info: na web galicianfilmforum.gal, facebook e Twitter