Mensaxe de condolencia polo pasamento de Ernesto Atanes, "Father"
Santiago de Compostela, 4 de xullo de 2017.
Os galegos de todo o mundo comparten hoxe o fondo pesar da nosa comunidade en Londres, polo pasamento de quen foi -e seguirá sendo para sempre na nosa memoria colectiva- unha importante figura da nosa diáspora.
Ernesto Atanes, persoa comprometida e de dilatada traxectoria na axuda aos demais -e especialmente aos membros das colectividades galega e española máis desfavorecidos- deixará fonda pegada entre os que tiveron a fortuna de coñecelo, tanto no Reino Unido como na súa Galicia natal.
E deixará tamén escritas páxinas de ouro na historia da Galicia Universal, no noso ADN social como pobo.
Descansa en paz, Father.
Novas relacionadas