O venres 10 de novembro ás 19:00 h, no Edmond J. Safra Lecture Theatre do King's College de Londres, terá lugar a sétima sesión do Galician Film Forum, na que se proxectará a longametraxe 18 Comidas - 18 Meals, (2010), filme dirixido por Jorge Coira.

• 18 Comidas, (107'), gañadora de sete premios Mestre Mateo, é unha comedia rodada en Santiago de Compostela e protagonizada -entre outros/as- por Luis Tosar,  Esperanza Pedreño,  Víctor Clavijo,  Sergio Peris Mencheta, María Vázquez ou Pedro Alonso etc., que conta seis historias, coa comida como punto común entre elas
• O filme proxéctase na súa versión orixinal en galego e castelán, con subtítulos en inglés
• Ao final da proxección haberá unha charla con membros do equipo que fixo a película

Entradas (de balde, pero é preciso reservar): www.eventbrite.co.uk

Máis info: na web galicianfilmforum.gal, facebook e Twitter

Nota: o Galician Film Forum é unha organización sen ánimo de lucro, e todas as súas proxeccións son de balde. Porén, conta cunha serie de gastos fixos que debe cubrir -como o pagamento de taxas polos filmes que se exhiben-, e agradece todas as doazóns que se fagan antes e despois da proxección.