Axudas de emerxencia social. Ano 2024
Obxecto e finalidade das axudas:
Establecer as bases reguladoras do procedemento de concesión de axudas de emerxencia social e proceder á súa convocatoria para o ano 2024, coa finalidade de outorgar unha prestación económica a persoas emigrantes de nacionalidade española e orixe galega con escasos recursos que residan en América, para atender situacións de emerxencia social derivadas de circunstancias extraordinarias sobrevindas nos últimos 12 meses.
Destinatarios/as:
Persoas emigrante galegas e as/os seus/súas fillos/as que posúan a condición de galegas residentes en América.
Requisitos das persoas beneficiarias:
a) Ter rendas ou ingresos insuficientes.
b) Ter patrimonio insuficiente
c) Acreditar documentalmente a situación de necesidade que xustifique a solicitude e as circunstancias sobrevindas nun tempo próximo ao da solicitude, como máximo nos últimos doce meses, da que derive. Contémplanse en concreto, as seguintes situacións:
Dificultades para cubrir as necesidades básicas de subsistencia: alimentación, coidados persoais esenciais (vestido e hixiene), educación ou análogos
Perda, inadecuación ou deterioración da vivenda habitual
Problemas de carácter sanitario ou asistencial grave.
Prazo de presentación de solicitudes e documentación a presentar:
Prazo de presentación de solicitudes: desde o 05/04/2024 ata o 15/10/2024.
Os modelos normalizados de solicitude poderán obterse nas páxinas web: https://sede.xunta.gal e https://emigracion.xunta.gal.
Lugar de presentación das solicitudes:
As solicitudes presentaranse preferiblemente por vía electrónica, mediante o formulario normalizado, anexo I, dispoñible na sede electrónica da Xunta de Galicia, (https://sede.xunta.gal), por calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de Chave 365 (https://sede.xunta.gal/chave365), ou a través das seguintes entidades colaboradoras, que poderán presentalas por esa vía no seu nome, mediante a oportuna autorización:
- Na Arxentina: Delegación da Xunta de Galicia en Bos Aires.
- No Uruguai: Delegación da Xunta de Galicia en Montevideo.
- No Brasil:
-Peña Gallega da Casa de España de Río de Xaneiro.
-Sociedade Hispano Brasileira de Socorros Mútuos e Instrução, en São Paulo.
-Sociedad de Socorros Mútuos e Beneficente Rosalía de Castro, en Santos.
-Asociación Cultural Caballeros de Santiago, en Salvador de Baía. - En Cuba: Federación de Sociedades Gallegas na Habana
- En Venezuela: Hermandad Gallega de Venezuela en Caracas.
Opcionalmente, poderanse presentar as solicitudes presencialmente nos consulados de España ou en calquera dos lugares e rexistros establecidos na normativa reguladora do procedemento administrativo común.
FORMULARIOS DE TRAMITACIÓN DE SOLICITUDES: | picar aquí para acceder á Sede electrónica |
Texto íntegro da convocatoria no D.O.G.: Descargar
Extracto da convocatoria no D.O.G.: Descargar