Artigo de Xosé Ramón Campos Álvarez publicado na revista Minius. Historia, Arte e Xeografía da Universidade de Vigo.

Resumo:
Na década de 1950 Venezuela converteuse por vez primeira nun país receptor de emigración masiva procedente de Europa -Italia, España e Portugal, sobre todo-, desprazando á Arxentina entre 1954 e 1959 do primeiro lugar de países americanos destinatarios de emigración española e consecuentemente galega. No presente traballo, preténdese expoñer e analizar os datos obtidos a través de diferentes fontes sobre a importancia da presenza galega no contexto da emigración española a Venezuela, a orixe por provincias dos emigrantes, o sexo, a idade e algunhas pinceladas sobre o retorno á comunidade de orixe.