“Un Nadal de Contos” da Aula GaliciaAberta achégase ás e aos máis pequenos con dúas historias centradas nestas festas
Esta proposta de contacontos da Secretaría Xeral da Emigración terá dúas sesións: mércores 27 decembro e mércores 3 de xaneiro.
A Secretaria Xeral da Emigración pon en marcha un ano máis o programa “Un Nadal de Contos” destinado ás e aos máis pequenos dentro da Aula GaliciaAberta. Deste xeito, nos próximos días desenvolveranse contacontos centrados na temática destas festas.
Os contacontos levados a cabo por Polo Correo do Vento poderanse visualizar nas redes sociais da Secretaría Xeral da Emigración, e mesmo na súa web institucional (emigracion.xunta.gal), onde quedarán colgados.
O contacontos do 27 de decembro chámase O misterio do Nadal, e céntrase en todo o que lle sucede a uns rapaces e rapazas no museo que están a visitar no día de Nadal.
No 2º contacontos haberá moita cociña, patacas novas e cebolas nun campionato de cociña que se celebra o día 1 de xaneiro. Quen gañará?
Novas relacionadas