O secretario xeral da Emigración, Antonio Rodríguez Miranda, reuniuse coa presidenta da Asociación Monterroso e Antas de Ulla, Sociedade de Recreo, Cultural e de Beneficencia, María Teresa Arnalich, e co vicepresidente, Alain Freyre Arnalich, destacando o esforzo que realizan para manter viva a herdanza cultural galega en Cuba.

Esta reunión resalta o continuo esforzo da Secretaría por fortalecer os lazos coas comunidades galegas no exterior, especialmente en territorios con unha significativa presenza de descendentes galegos e galegas. Durante o encontro, abordáronse diversas iniciativas e proxectos destinados a promover a cultura galega, así como a brindar apoio ás e aos membros da comunidade en diversas áreas.

A presidenta da asociación presentou un panorama das actividades e desafíos actuais da comunidade, destacando a importancia do apoio da Secretaría para manter viva a cultura galega. O secretario xeral da Emigración reafirmou o compromiso da Xunta de Galicia coa Asociación Monterroso e Antas de Ulla, enfatizando a vontade de colaborar en proxectos que beneficien tanto ás e aos membros da asociación como á comunidade galega en xeral en Cuba.