Amancio Prada enche de emocións con acordes galegos o Festival ‘Fai Un Sol’ que organiza o Lar Galego
O Lar Galego de Sevilla coa colaboración da Xunta de Galicia vén de organizar o II Festival ‘Fai Un Sol’ no Teatro Távora de Sevilla. Nesta edición, Amancio Prada, conquistou ás e aos asistentes coa súa música e poesía nun recital acústico.
O Grupo de Gaitas do Lar Galego de Sevilla abría este evento marcando con acordes galegos o sinal de identidade deste Festival. Completouse o aforo limitado coa asistencia de membros do Lar Galego e doutras casas rexionais de Galicia en Andalucía e público local.
José Antonio Otero, Presidente do Lar Galego de Sevilla, destacou que “os asistentes cumprisen de maneira exemplar coas medidas de seguridade establecidas no teatro durante o concerto” e agradeceu “o apoio e a colaboración da Xunta de Galicia para este evento”. Pola súa banda, José Luis Palomino, do Teatro Salvador Távora, agradeceu ao Lar Galego “o seu apoio para fomentar a vida nas salas e que a voz da cultura non se apague nestes tempos de pandemia”.
Fonte e fotos: Lar Galego de Sevilla
Novas relacionadas