O secretario xeral da Emigración recibiu no seu despacho a Noelia Siaba, a secretaria da Unidade Galega dos EE.UU. de América - Casa de Galicia de Nova York, con quen analizou a recuperación da actividade cultural deste centro, paralizada durante varios meses pola pandemia e recentemente reiniciada. 

Na reunión, que permitiu seguir a manter o contacto xa de xeito presencial cos e coas membros da comunidade galega en Estados Unidos, tratouse tamén a recuperación da axenda de visitas da Secretaría Xeral á colectividade de Nova York, que podería concretarse para o próximo outono se a situación da pandemia segue a mellorar no país norteamericano.