A Secretaría Xeral da Emigración informa á colectividade do exterior, así como ás e aos emigrantes retornados, sobre as posibilidades que ofrece a Universidade a Distancia (UNED) para acceder á formación superior en Galicia.

Deste xeito, as persoas interesadas en cursar unha carreira nunha das tres universidades galegas, teñen que realizar o PCE, que son as probas comúns específicas, sumando o resultado final deste exame á nota media do bacharelato homologado pola Xunta de Galicia.

Sen embargo, estas probas non son necesarias para cursar os graos que a UNED oferta, xa que esta Universidade permite acceder directamente co bacharelato homologado (ou co xustificante de pagar os trámites correspondentes). As e os estudantes permanecen un ano neste centro, e logo poden continuar alí os seus estudos ou solicitar o seu traslado de expediente ás universidades presenciais que o desexen, gañando así un ano de formación académica. 

A maiores, a UNED permite este ano académico matricularse directamente nos graos que oferta cos títulos de bacharelato obtidos antes do curso 2015/2016. 

Tamén é interesante que esta colectividade saiba que, co acceso para maiores de 25 anos superado, obteñen o equivalente á ESO, e se posteriormente se matriculan nun grao universitario da UNED e superan alomenos 15 créditos ECTS, conseguen o equivalente ao bacharelato, “o que fai moi atractivo este tipo de estudos para aquelas persoas que non dispoñen de documentación académica acreditable para o mercado laboral”, explicou o secretario xeral da Emigración, Antonio Rodríguez Miranda. 

O responsable deste departamento autonómico agradeceu a colaboración da UNED de Ourense para canalizar esta información á colectividade exterior, recordando que a Universidade a Distancia é a universidade pública máis grande de España e con maior número de alumnas e alumnos, e pola que, ao longo dos seus 50 anos de existencia, pasaron xa 3 millóns de expedientes. Nestes intres, Galicia conta con catro centros, un en cada capital de provincia. 

ENLACES COA INFORMACIÓN DA UNED: (picar aquí para descargar en pdf)

• UNEDassis: https://unedasiss.uned.es/home
• Acceso maiores de 25, 40 e 45 anos: http://portal.uned.es/portal/page?_pageid=93,23741482&_dad=portal&_schema=PORTAL
• Bolsas e axudas: https://portal.uned.es/portal/page?_pageid=93,14022320&_dad=portal&_schema=PORTAL
• Admisión e matrícula: https://app.uned.es/portal/admision-matricula-por-internet
• Atención ao estudante: https://www.uned.es/universidad/inicio/informacion.html
• Oferta de Graos: https://portal.uned.es/portal/page?_pageid=93,1643102&_dad=portal&_schema=PORTAL
• Graos combinados: https://portal.uned.es/portal/page?_pageid=93,40318593&_dad=portal&_schema=PORTAL
• Máster: https://portal.uned.es/portal/page?_pageid=93,1113796&_dad=portal&_schema=PORTAL
• Doutoramento: https://portal.uned.es/portal/page?_pageid=93,27268401&_dad=portal&_schema=PORTAL
• Formación Permanente: https://app.uned.es/portal/admision-matricula-por-internet?utm_campaign=banner_web_uned&utm_source=webuned&utm_medium=banner&utm_content=formacionpermanente e
  https://www.uned.es/universidad/inicio/estudios/formacion-permanente.html
• Que é a UNED: https://www.uned.es/universidad/inicio/institucional.html
• Plan de Acollida na UNED: http://portal.uned.es/portal/page?_pageid=93,24374294&_dad=portal&_schema=PORTAL
• Como se estuda na UNED: http://portal.uned.es/portal/page?_pageid=93,70596596&_dad=portal&_schema=PORTAL
• Titorías presenciais e en liña: https://portal.uned.es/portal/page?_pageid=93,13984335&_dad=portal
• Discapacidade: https://www.uned.es/universidad/inicio/institucional/unidis.html
• UNED Abierta: https://iedra.uned.es/