VII Certame de poesía en lingua galega "Manuel María" da Casa de Galicia en Guipúscoa

Listen to this page using ReadSpeaker
852 lecturas

A Casa de Galicia en Guipúscoa convoca o VIIº Certame de poesía en lingua galega "Manuel María".

Bases:

  1. O poema estará escrito en lingua galega e terá un máximo de noventa versos e un mínimo de corenta. Admitiranse conxuntos de poemas de temática común sempre que non excedan dos cen versos.
  2. O poema enviarase nun sobre sen remitente nin indicación algunha referente á personalidade do/a autor/a ao seguinte enderezo:
        Casa de Galicia en Gipuzkoa
        Rúa Zabaleta, 28 - baixo
        20002 - San Sebastián (Gipuzkoa)
    Dentro, noutro sobre pechado, figurará exteriormente o primeiro verso do poema e no interior do mesmo sobre constará o nome, enderezo, número do DNI, teléfono e enderezo electrónico do/a autor/a. Tamén haberá que adxuntar cumprimentada e asinada a folla de LOPD.
  3. As obras que se presenten deberán ser inéditas e permitiranse un máximo de dúas obras por autor/a.
  4. Os poemas enviaranse por quintuplicado sen grampar nin encadernar antes do día 16 de outubro de 2019.
  5. A organización nomeará un xurado composto por persoeiros relevantes da creación e da crítica e daranse a coñecer no momento de facerse público o fallo do xurado.
  6. Os premios fallaranse o 9 de novembro de 2019. Os poemas premiados serán editados pola Casa de Galicia en Gipuzkoa na forma e no lugar que se estime axeitado.
  7. Os premios consistirán en:
    1º premio: 400 euros
    2º premio: 200 euros
    3º premio: 100 euros
  8. Os premios publicaranse na web da Casa de Galicia en Gipuzkoa unha vez realizado o fallo por parte do xurado. Sempre que sexa posible, emitirase en directo o fallo pola rede (Facebook ou Periscope da Casa).
  9. O feito de participar supón aceptar a resolución do xurado así como as bases do certame. O xurado poderá declarar deserto algún premio.
  10. A Casa de Galicia en Gipuzkoa resérvase os dereitos de publicar calquera dos traballos presentados ao concurso na forma ou no medio que estime axeitado.
  11. Non se devolverán os orixinais.

Bases completas: picar aquí para descargar

Máis info: http://casagaliciass.org | FacebookTwitter

VII Certame de poesía en lingua galega "Manuel María" da Casa de Galicia en Guipúscoa
Evento: 
Certame literario
Organiza: 
Casa de Galicia en Guipúzcoa
Data: 
16.10.2019
Hora: 
0:00
Lugar:
Casa de Galicia en Gipuzkoa
Zabaleta, 28 - bajo
Donostia / San Sebastián - 20002Gipuzkoa
España
Máis eventos na Axenda de GaliciaAberta: