Concerto da Real Filharmonía de Galicia "Os camiños de Castelao", na Cidade da Cultura de Galicia
O xoves 17 de xaneiro ás 20:00 h, no Museo Centro Gaiás de Santiago de Compostela, dentro das actividades arredor da exposición Castelao maxistral. A boa obra ao mestre honra, a Real Filharmonía de Galicia ofrecerá o recital Os camiños de Castelao, que se celebrará con posterioridade ao encontro con persoas refuxiadas en Galicia Exilio e refuxio. Dúas situacións na nosa sociedade contemporánea que tamén terá lugar na Cidade da Cultura de Galicia.
- Este recital da RFG leva por título Os camiños de Castelao e baséase nunha unha escolma de temas representativos dos diferentes países que marcaron a vida de Castelao, realizada ‘ex profeso’ polo director titular e artístico da formación, Paul Daniel. Deste xeito, e a través do repertorio escollido, os e as asistentes farán no Museo Gaiás un percorrido vital do periplo do artista galego desde Rusia, Cuba, os Estados Unidos de América e ata o exilio definitivo en Bos Aires, a través de pezas de E. W. Korngold, Stravinsky ou Piazzolla, entre outros compositores.
- Esta actuación especial —para a que xa están as entradas á venda en Ataquilla.com e no Museo Centro Gaiás— inxírese dentro do programa de actividades coas que se está a dinamizar a exposición Castelao maxistral. A boa obra ao mestre honra, que desde a súa inauguración, o pasado 5 de outubro, xa celebrou visitas-relatorio con especialistas na súa obra e figura —con todas as prazas cubertas— e un recital coa Coral Polifónica de Pontevedra, da que Castelao foi cantor, fundador (1925) e escenógrafo, traendo para a ocasión un pano ornamentando polo propio artista, que contadas ocasións sae do Museo de Pontevedra que o custodia.
- Pór o foco no exilio para as actividades de xaneiro ten un vencello especial coa mostra, xa que A derradeira leición do mestre, homenaxe do artista de Rianxo ao seu amigo e intelectual asasinado, Alexandre Bóveda, foi pintado nestas circunstancias en Bos Aires en 1945. Castelao asentouse na capital da Arxentina, tras un periplo por diferentes países que son os que determinan o programa do concerto escollido persoalmente polo propio Paul Daniel.
- Así, en 1938, o intelectual galego realizou unha viaxe á URSS e, máis tarde, aos Estados Unidos de América e tamén a Cuba. Durante a súa presenza na illa caribeña, Castelao participou activamente nas eleccións do Centro Galego da Habana. A derrota republicana condenouno ao exilio, asentándose en Nova York, primeiro, onde publicou o álbum Milicianos e, posterior e definitivamente, en Buenos Aires (A Arxentina), onde chegou a estrear a súa peza teatral Os vellos non deben namorase.
- Paul Daniel, director
Grigori Nedobora, violín
James Dahlgren, concertino
Programa:
I.
- E. W. Korngold: Much Ado About Nothing, op. 11 (suite)
- M. Quiroga:
Alborada (Orquestración Paul Daniel)
Danza arxentina (Orquestración Paul Daniel)
Emigrantes celtas (Orquestración Paul Daniel)
Himno - D. Milhaud: Le creation du monde, op. 81
II.
- I. Stravinsky: Suite Pulcinella (rev 1949)
- A. Piazzolla: Libertango tango
Entradas:
- Ataquilla.com | Puntos físicos de Ataquilla | Teléfono 902 504 500
- Descontos: Do 20% a estudantes, persoas socias do Club Gaiás, persoas xubiladas, persoas desempregadas e con carné Xove
Máis info: www.cidadedacultura.gal | Facebook | Twitter | Instagram
Evento:
Concerto
Organiza:
Fundación Cidade da Cultura de Galicia
Data:
17.01.2019
Hora:
20:00
Lugar:
Museo Centro Gaiás (Andar -1)
Monte Gaiás, s/n
Santiago de Compostela - 15707A Coruña España
Máis eventos na Axenda de GaliciaAberta: