Feijóo avalía os 100 días de goberno coa mirada posta nunha Galicia máis estable e máis social

O presidente da Xunta abriu esta mañá o encontro de traballo con motivo dos 100 días do actual Goberno galego.

“Foron cen días de inconformismo, para avanzar vellos proxectos e para abrir novos camiños”, di, incidindo en que este é un balance que se conxuga en futuro.

Avoga por un Goberno útil para os cidadáns e as cidadás e cun proxecto de país que logrou o maior crecemento económico en oito anos, no que se asenta un novo récord histórico de exportacións e que creou 20.000 empregos no último ano.

Na aposta por unha Galicia máis estable, lembra que a Xunta está a demostrar o seu compromiso con feitos: aprobando en menos dun mes os Orzamentos para 2017 e conxugando o cumprimento do déficit –un ano máis- co crecemento económico.

No eido social destaca novas iniciativas para axudar ás familias con nenos e nenas, ás persoas maiores dependentes e ás persoas con dificultades.

Co obxectivo de traballar por unha Galicia máis próspera, subliña a elaboración dunha Estratexia para converter a Comunidade no lugar máis favorable para traballar por conta propia.

Recorda que a lexislatura do rural xa comezou e reitera o compromiso co sector pesqueiro.

Afirma que lonxe de mirar con complacencia as máis de 150 decisións tomadas nestes 100 días, este Goberno fai balance “coa ambición dos 1.300 días que nos quedan”.

  • O presidente da Xunta abriu esta mañá o encontro de traballo con motivo dos 100 días do actual Goberno galego
    O presidente da Xunta abriu esta mañá o encontro de traballo con motivo dos 100 días do actual Goberno galego
  • O presidente da Xunta abriu esta mañá o encontro de traballo con motivo dos 100 días do actual Goberno galego
    O presidente da Xunta abriu esta mañá o encontro de traballo con motivo dos 100 días do actual Goberno galego
  • O presidente da Xunta abriu esta mañá o encontro de traballo con motivo dos 100 días do actual Goberno galego
    O presidente da Xunta abriu esta mañá o encontro de traballo con motivo dos 100 días do actual Goberno galego
  • O presidente da Xunta abriu esta mañá o encontro de traballo con motivo dos 100 días do actual Goberno galego
    O presidente da Xunta abriu esta mañá o encontro de traballo con motivo dos 100 días do actual Goberno galego
  • O presidente da Xunta abriu esta mañá o encontro de traballo con motivo dos 100 días do actual Goberno galego
    O presidente da Xunta abriu esta mañá o encontro de traballo con motivo dos 100 días do actual Goberno galego
  • O presidente da Xunta abriu esta mañá o encontro de traballo con motivo dos 100 días do actual Goberno galego
    O presidente da Xunta abriu esta mañá o encontro de traballo con motivo dos 100 días do actual Goberno galego
Listen to this page using ReadSpeaker
Santiago de Compostela, 24 de febreiro de 2017.

O presidente da Xunta, Alberto Núñez Feijóo, avaliou hoxe os 100 primeiros días de Goberno da X Lexislatura coa ilusión renovada e coa mirada posta nunha Galicia máis estable, máis social, máis próspera e máis sustentable. Durante o encontro de traballo coas e cos membros do Goberno, secretarios e secretarias, e directores e directoras xerais, Feijóo aseverou que neste período o Goberno galego traballou a pleno rendemento para converter en feitos os compromisos adquiridos o pasado 25 de setembro: “Foron cen días de inconformismo, para avanzar vellos proxectos e para abrir novos camiños”, dixo, facendo fincapé en que este é un balance que se conxuga en futuro, non en pasado.

Logo de navegar nunha lexislatura sobre o tsunami da recesión e dedicar outra a reparar os danos, o responsable do Executivo autonómico afirmou que, agora, nesta terceira lexislatura é o momento de aproveitar a incipiente recuperación económica para que Galicia navegue cara ao seu futuro.

Nesta liña, pediu ao seu equipo de Goberno seguir traballando con responsabilidade, sen confundir a confianza dos galegos e galegas cun cheque en branco, sen perder o espírito de traballo e de superación constante e reivindicando “o modelo de país no que cremos e para o que traballamos: unha Galicia próspera, unha Galicia xusta e unha Galicia ambiciosa, tranquila e para todos sen exclusións”.

Unha Galicia máis estable e máis social
Na aposta por unha Galicia máis estable, Feijóo lembrou que a Xunta está a demostrar o seu compromiso con feitos: aprobando en menos dun mes os Orzamentos para 2017; conxugando o cumprimento do déficit –un ano máis- co crecemento económico, superior ao 3% e por riba da media española; pagando aos seus provedores e co compromiso de pagar nunha media de 10 días neste ano.

No eido social, e para as familias con nenas e nenos, resaltou a mellora da Tarxeta Benvida e do programa de vacinación infantil, a apertura de novas garderías e a creación de 30 novas casas niño no rural. Para as persoas maiores dependentes salientou a posta en marcha do plan para a construción de sete novas residencias públicas nas sete grandes cidades galegas e, para axudar as persoas con dificultades referiuse, a modo de exemplo, ao Bono Alugueiro Social para facilitar o seu acceso á vivenda.

Así mesmo, destacou a posta á disposición de máis axudas e mellor atención psicolóxica para as vítimas de violencia de xénero; o impulso de todas as infraestruturas hospitalarias e de Atención Primaria pendentes; a creación de cinco novas unidades xudiciais para acadar unha xustiza máis áxil e eficaz, e a implicación da Comunidade na Conferencia de Presidentes para acadar un Pacto nacional pola Educación, para incluír a demanda de que se teña en conta o gasto sanitario á hora de acordar un novo sistema de financiamento e para abordar o reto demográfico.

No eido educativo, referiuse tamén á experiencia da Comunidade en relación á aposta polo bilingüismo cordial, polo plurilingüismo e pola Formación Profesional.

Unha Galicia máis próspera e sustentable
Co obxectivo de traballar por unha Galicia máis próspera, Feijóo subliñou a elaboración dunha Estratexia para converter a Comunidade no lugar máis favorable para traballar por conta propia e a aposta pola innovación e por sectores novos como o aeronáutico ou a fábrica 4.0.

Neste mesmo sentido, recordou ademais que a lexislatura do rural xa comezou: “Fomos os primeiros en xestionar as axudas das PAC, apoiamos a máis de 600 mozos que querían incorporarse á actividade agraria e impulsamos a diversificación e modernización do sector lácteo con novas instalacións de transformación do leite e sumando cooperativas máis grandes, potentes e operativas”, precisou, logo de reiterar ademais o compromiso co sector pesqueiro, con máis axudas para as e profesionais da pesca e o marisqueo.

Co obxectivo de acadar unha Galicia máis sustentable, cunha mobilidade adaptada ao século XXI, Feijóo destacou os pasos dados para tramitar cinco vías de alta capacidade nesta lexislatura, os avances na tramitación das intermodais e o inicio da redefinición do transporte público de viaxeiras e viaxeiros. “E tamén fixemos todo o posible para minimizar os efectos do bloqueo institucional na chegada do AVE a Galicia”, engadiu.

O presidente da Xunta resaltou tamén o compromiso cunha Galicia máis sustentable que respecte o seu patrimonio natural, para conseguir unha ordenación da paisaxe e un urbanismo respectuoso e harmónico. “E cunha Galicia que respecte o seu patrimonio cultural e lingüístico”, engadiu.

Sobre este último punto, destacou os avances no desenvolvemento da lei aprobada o ano pasado, co inicio do deseño dunha folla de ruta para estender o uso do galego entre as e os máis novos.

Aposta por un Goberno útil que mellore a vida da cidadanía
Feijóo avogou por seguir apostando por un Goberno útil que consiga mellorar a vida dos cidadáns e as cidadás e que avance pola liña trazada nas dúas lexislaturas anteriores. Unha liña que demostrou ser a máis eficaz para o progreso de Galicia, baseada nun proxecto de país que logrou o maior crecemento económico en oito anos, nun proxecto de país no que se asenta un novo récord histórico das exportacións galegas e nun proxecto de país que creou 20.000 novos empregos no último ano.

Ao longo da súa intervención, o presidente afirmou que á estabilidade que pediron as e os cidadáns, a Xunta respondeu desde o mesmo 26 de setembro garantindo o dinamismo de Galicia: a través duns orzamentos elaborados en días e que crecen un 2,7% para trasladar a recuperación iniciada a todos os galegos e galegas; cunha estratexia de apoio ás e aos autónomos, un dos colectivos máis castigados pola crise económica; coa ampliación do plan de impostos cero para a mocidade, as familias numerosas e as persoas con discapacidade que merquen a súa vivenda habitual no 94% do territorio galego; e con máis de 150 acordos, decisións, proxectos de lei ou decretos aprobados nestes 100 primeiros días.

O responsable do Executivo autonómico concluíu afirmando que lonxe de mirar con complacencia as máis de 150 decisións tomadas, este Goberno fai balance “coa ambición dos 1.300 días que nos quedan”.

904 lecturas