Retorna
MEDIDAS:
Informar ás persoas retornadas e ás que estean pensando en facelo de todas as medidas específicas e xerais do seu interese.
Continuar facilitando información e axudando á resolución de trámites a través da Oficina Integral de Asesoramento e Seguimento ao Retorno. Esta abordará:
- As axudas de carácter extraordinario e social que poidan ser de aplicación aos galegos retornados de ámbito nacional, autonómico e local.
- Sistemas de acceso a prestacións como a Renda de Inclusión Social de Galicia ou as presentacións non contributivas.
- O procedemento para o recoñecemento e cualificación do grao de discapacidade e información sobre os programas específicos.
- O acceso ao sistema sanitario mediante a tarxeta sanitaria.
- Os programas de axuda da Dirección Xeral de:
-Familia, Infancia e Dinamización Demográfica, incidindo no Programa de Axudas á natalidade e nos destinados a familias numerosas
-Inclusión social
-Maiores e persoas con discapacidade
-Xuventude, Participación e Voluntariado
- Outras cuestións de importancia como natalidade, permisos de residencia e traballo, coberturas sociais e sanitarias para cónxuxes e familiares sen nacionalidade española, etc.
- A documentación que debe traer do país de residencia para realizar trámites coas Administracións públicas en España | Acceder
Axilizar os trámites para que as persoas galegas retornadas se integren automaticamente no sistema público sanitario galego no momento da súa chegada a Galicia.
Informar e facilitar o acceso á vacinación da covid-19 a todas as persoas galegas retornadas de forma rápida e previamente ao acceso ao sistema sanitario.
Atender ás familias galegas retornadas en situación de vulnerabilidade para a consecución da súa plena integración.
Continuar promovendo as axudas extraordinarias aos/as emigrantes galegos/as retornados/as para axudar a facer fronte aos gastos extraordinarios derivados do retorno. Cada unidade familiar pode recibir unha subvención de ata 6.000 € | Acceder
Manter a liña de axudas para familias retornadas con fillos/as menores que se instalen en Galicia de 1.000 euros por fillo/as ata o/a segundo/a fillo/a e 1.500 euros a partir do/a terceiro/a, cun incremento do 25% se a residencia é no rural | Acceder
Facilitar o acceso das persoas galegas retornadas ás prestacións sociais ás que teñan dereito.
Atender de forma integral ás mulleres retornadas vítimas da violencia de xénero a través de recursos residenciais de acollida temporal e dos non residenciais | Acceder
Facilitar o acceso das mulleres retornadas vítimas de violencia de xénero ás prestacións ás que teñen dereito | Acceder
Conseguir a plena integración das familias galegas retornadas no menor tempo posible.
Facilitar a participación das persoas emigrantes retornadas nos programas de inclusión sociolaboral.
Facilitar a aproximación á realidade de Galicia a aquelas persoas galegas que levan moito tempo lonxe da nosa terra.
Fomentar o retorno das familias galegas a través do apoio á natalidade e á conciliación familiar.
Mellorar as condicións de acceso das familias retornadas a todas as medidas favorecedoras da natalidade, como a Tarxeta Benvida. Mediante esta última, as familias obterán unha axuda de 1.200 euros ao ano no primeiro ano de vida do/a seu/súa fillo/a, ampliable ata os 3 anos nalgúns casos | Acceder
Facilitar o acceso no momento do retorno e fóra dos prazos establecidos ás Escolas Infantís.
Apoiar a integración da xuventude.
Axudas para a obtención do permiso de condución clase B e C á xuventude retornada residente en Galicia e beneficiaria do Sistema Nacional de Garantía Xuvenil | Acceder
Facilitar o acceso antes do retorno ao programa Carné Xove. Programa de desconto para mozos/as no acceso a bens e servizos | Acceder
Facilitar o coñecemento da realidade de Galicia como opción de retorno a través do programa Conecta con Galicia: programa de actividades lúdico-educativas e de coñecemento da cultura e o patrimonio galego para mozos/as galegos/as residentes no exterior co obxectivo de xerar o vínculo con Galicia e fomentar o espírito de retorno | Acceder
Facilitar o coñecemento da realidade de Galicia como opción de retorno a través do programa Campamento de Voluntariado: programa de actividades lúdico-educativas que participan en actividades con compoñente social e desfrutando dun programa de ocio educativo, co obxectivo de xerar o vínculo con Galicia e fomentar o espírito de retorno | Acceder
Facilitar á xuventude retornada unha completa programación a través do programa Xuventude Mentoring, programa integral de formación e titoría para mozos/as titulados/as e inscritos/as no Sistema Nacional de Garantía Xuvenil | Acceder
Apoiar a integración mediante o programa de voluntariado ambiental interxeracional que se desenvolve en accións en parque naturais e espazos protexidos da Comunidade Autónoma de Galicia.
Facilitar o acceso da xuventude retornada ás diferentes liñas de axuda para o desenvolvemento de proxectos xuvenís do programa Iniciativa Xove | Acceder
Facilitar o acceso á vivenda.
Facilitar o establecemento na comunidade autónoma galega cunha axuda de 500 euros por unidade familiar destinada a sufragar os gastos derivados das primeiras xestións para garantir o acceso a unha vivenda.
Acceder ás vivendas de promoción pública por parte das persoas galegas retornadas en igualdade de condicións que o resto das persoas galegas e facilitar a súa inscrición no Rexistro Único de Demandantes de Vivenda da Comunidade autónoma de Galicia.
Acceder ás axudas ao aluguer por parte das persoas galegas retornadas en igualdade de condicións que o resto das persoas galegas dende o seu empadroamento nun concello galego.
Potenciar o retorno na planificación das políticas de vivenda do Goberno Galego.
Fomentar a rehabilitación de vivendas.
Incluír nos programas de axudas para a rehabilitación de vivendas ás persoas galegas retornadas.
