Quen somos?
Desde o ano 2002 en Balidea especializámonos en consultoría tecnolóxica, integración de sistemas e aplicacións, desenvolvemento de software e web, ciberseguridade, así como en provisión de  infraestruturas e sistemas e  outsourcing de servizos profesionais.

A nosa actividade vira ao redor da tecnoloxía e a innovación, ofrecendo propostas de calidade e utilizando os últimos avances TIC.

Que ofrecemos?
O noso traballo caracterízase pola calidade e adaptación ao cliente, e para conseguilo traballamos en equipo, con compromiso e eficiencia.

Somos un equipo profesional altamente cualificado e multidisciplinar, novo e dinámico. Sempre apostamos pola formación continua do noso equipo para a actualización e evolución dos nosos coñecementos e habilidades.

Os nosos servizos
A nosa actividade vira ao redor da tecnoloxía e a innovación, ofrecendo propostas de calidade e utilizando os últimos avances TIC.

En  Balidea achegamos solucións que dan resposta ás necesidades dos nosos clientes, coas que conseguen maximizar o valor do seu investimento en recursos tecnolóxicos e que lles permiten evolucionar con garantías e coa confianza dun socio TIC de referencia.

Outra información de interese
Queremos ser a empresa de solucións TIC de referencia para os clientes máis esixentes en calidade e eficiencia, a nivel nacional e internacional. Apostamos polas persoas como o noso principal valor: queremos un equipo comprometido ao que ofrecemos desenvolvemento profesional.

Xoia Extending Reality é unha startup que desenvolve productos e servizos basados na tecnoloxía de Realidade Aumentada e Virtual para as verticais de: Industria 4.0; Cultura, Turismo e Patrimonio; Marketing e retail, con clientes que van dende grandes empresas como Acciona a institucións públicas coma a Xunta de Galicia.

Que ofrecemos?

A Xoia tan só se pode vir a desfrutar do traballo e a sentir paixón pola tecnoloxía que utilizamos e da que aprendemos todos os días. Buscamos persoas que queiran crecer e densenrolar a súa carreira neste apaixonante sector, crecendo continuamente tanto no puramente técnico, como en responsabilidades, segundo as aptitudes, necesidades e intereses de cada un. Todo isto nun ambiente de traballo divertido, de colaboración e compañeirismo.

Os nosos servizos

Desenvolvemos solucions e productos innovadores baseados na realidad aumentada e virtual utilizando sempre a ultima tecnoloxía dispoñible.

Outra información de interese

Valoramos tanto, senón máis que o técnico, as habilidades e aptitudes persoais, as gañas de crecer, de aprender todos os días cunha tecnoloxía que cambia continuamente. En Xoia, hoxe, contratamos e formamos os líderes do mañá.

Somos unha Consultoría TIC e, desde a nosa fundación en 2003, dedicámonos ao deseño, desenvolvemento e implantación de solucións do mundo da informática e as comunicacións, conforme ás necesidades expostas por cada cliente, para a optimización dos seus procesos de negocio.

Combinamos experiencia e coñecementos especializados en múltiples contornas e tecnoloxías, con flexibilidade e vocación pola mellora continua. Como resultado, axudamos aos nosos clientes para mellorar o seu rendemento e a crear valor, desde a planificación estratéxica en materia TIC ata as operacións do día a día. 

Os nosos principais clientes concéntranse no noroeste peninsular. Por iso, temos oficinas físicas nas mellores localizacións da Coruña (Parque Empresarial de A Grela) e Ourense (cruce das rúas Concordia e Santo Domingo). Ademais, a nosa carteira de clientes é ampla e diversificada, e inclúe ás compañías líderes en sectores como as telecomunicacións, finanzas, alimentación, distribución, industria, etc. 

Contamos con máis de 120 profesionais, dos que o 70% teñen unha titulación universitaria (principalmente Enxeñería Informática) e o 30% restante provén de Ciclos Superiores de Formación Profesional. 

Outra peza fundamental da nosa oferta de servizos constitúena os nosos  partners: grandes provedores de tecnoloxía (como Microsoft,  HP ou  Fortinet), universidades, centros tecnolóxicos, … Todos eles facilítannos o estar ao día e adquirir unha formación de calidade nas últimas tecnoloxías e versións de produtos que saen ao mercado.

As nosas boas prácticas e resultados empresariais fan que nos concedan cada ano galardóns e recoñecementos, como o Premio Confianza da Universidade da Coruña, os indicadores ARDÁN de Empresa Ben Xestionada, Empresa de Alto Rendemento, Empresa Xeradora de Riqueza e Empresa Innovadora, ou a inclusión na “Clasificación ARDÁN de Empresas Intelixentes de Galicia.

Que ofrecemos?

Ademais de multitude de ambiciosos proxectos en clientes líderes nos seus respectivos sectores, en  ALDABA ofrecemos un plan de formación personalizado e remamos para que cada persoa poida desenvolverse, tanto profesional, como persoalmente.

Cada persoa que se incorpora en  ALDABA inicia a súa traxectoria da man dun mentor, que o orientará, tanto en cuestións prácticas, como nas posibilidades de desenvolvemento profesional dentro da casa. Ademais, a súa progresión individualizarase en función das súas expectativas, ritmos e habilidades. 

Consideramos a formación como parte fundamental deste desenvolvemento profesional, e entendémola en sentido amplo. Por unha banda, está a que se recibe directamente no marco do proxecto, da man de superiores e compañeiros. Por outra, a formación proposta pola empresa, que pode ser a través de plataformas en liña ou mediante a contratación de empresas  formadoras externas. E, por último, a que propoñen os propios profesionais de  ALDABA, e que a compañía promociona.

Todo iso sendo conscientes de que a nosa actividade empresarial non é allea á realidade social, senón que, ao contrario, exerce unha influencia sobre a mesma. A Responsabilidade Social Corporativa, ou  RSC, intégrase na nosa cultura a través da conciencia activa, por parte dos nosos directivos, de que debemos coidar e mellorar a parcela da sociedade na que operamos (os nosos empregados, provedores, clientes, etc.). 

Por iso, as nosas políticas de recursos humanos baséanse en fomentar a calidade de vida laboral a través de pautas de flexibilidade horaria, posibilidade de teletraballo, xornada intensiva de verán, escoita activa da problemática individual e negociación de solucións, etc. Tamén se enfoca cara á promoción de hábitos saudables a través dunha correcta ergonomía do posto de traballo, a subvención da participación en eventos deportivos, froita de tempada na oficina ao dispor do empregado…

Nun enfoque máis externo da nosa  RSC, colaboramos con distintas ONG’ s e formalizamos unha Cátedra coas Universidades da Coruña e Vigo, Cátedra  ALDABA- wib ( Women,  ICT & Business), cuxo principal obxectivo é fomentar a presenza da muller no desenvolvemento das TIC, dando visibilidade ás referentes femininas e impulsando iniciativas que animen a nenas e mozas a escoller carreiras relacionadas co ámbito das Novas Tecnoloxías."

Os nosos servizos

Contamos con 3 áreas de negocio, complementarias e integradas, para ofrecer aos nosos clientes un servizo diferenciado: Consultoría TIC, Enxeñería Software e Enxeñería de Sistemas.

• En Consultoría TIC axudamos aos nosos clientes para deseñar e alcanzar os seus obxectivos de transformación tecnolóxica, combinando un profundo coñecemento de metodoloxías e estándares coa comprensión de como impactará a tecnoloxía nos procesos de negocio. A nosa experiencia e coñecemento abarca un amplo catálogo de servizos: xestión de procesos con ferramentas BPM; análise e xestión de riscos; implantación de boas prácticas para a xestión e operación de servizos TIC ( ITIL); dixitalización de procesos,  paperless; consultoría e adecuación permanente ao  RGPD; etc.
• En Enxeñería Software desenvolvemos solucións software de calidade, utilizando tecnoloxías consolidadas e emerxentes. A unidade de Enxeñería Software integra tres  subáreas: Desenvolvemento a medida – especializada no desenvolvemento de aplicacións web, de escritorio e móbil –, Business  Intelligence – especializada na enxeñería de datos, modelos analíticos e  big data – e  SAP – onde desenvolvemos pezas que integran este ERP con múltiples sistemas de información –. E todo iso sobre un substrato de metodoloxía áxil (scrum), cunha comisión interna que vela pola súa correcta implementación.
• Por último, na área de Enxeñería de Sistemas deseñamos, implantamos e administramos as infraestruturas TIC (servidores, redes, sistemas de almacenamento, firewalls, …) que dan soporte aos sistemas de información, con tecnoloxías punteiras de virtualización, monitoraxe e  backup, situadas en  datacenters físicos ou na nube, e aplicando técnicas e medidas estritas de  ciberseguridade.

Outra información de interese

Páxina web Cátedra ALDABA-WIB: wib.aldaba.es

Televés é una compañía tecnolóxica de ámbito global líder no diseño, desenrolo e fabricación de solucións para infraestructuras de telecomunicación en fogares, edificios e ciudades.

A súa sede central está ubicada en Santiago de Compostela (España), onde a empresa foi fundada en 1958. Na actualidade, Televés é a cabeceira dunha corporación que conta con máis de 20 firmas industriais e de servizos, máis de 700 empleados e 75 patentes de invención. Televés ten 11 filiais internacionais, en Portugal, Francia, Reino Unido, Italia, Alemania, Polonia, Escandinavia, Rusia, Estados Unidos, China e Emiratos Árabes, e fai chegar os seus productos a máis de 100 países nos cinco continentes, a través dunha extensa red de distribuidores.

Con cerca de 60 anos de experiencia, Televés lanzou máis de 1.500 productos, un logro que se explica dende unha auténtica paixón pola fabricación. A compañía produce en instalacións propias para garantizar a máxima calidade. Está sendo pioneira na posta en marcha de liñas de fabricación 4.0 e dispón dos seus propios laboratorios de certificación e control de calidade. De este modo, os productos da marca ostentan con orgullo o selo European Technology Made in Europe.

Como compañía que se precia de marcar a pauta no mercado, Televés está en constante evolución, aliñada cos criterios que marcan a Axenda Dixital Europea e o programa marco de investigación e innovación Horizonte 2020. En paralelo co seu perfil de especialista en infraestructuras de telecomunicacións, Televés desenrola liñas de negocio complementarias como facilitador de servizos a través desas infraestructuras, baixo o paradigma tecnolóxico do Edificio e Fogar Dixital.

En Televés traballamos día a día para consegui-la excelencia e un dos nosos pilares fundamentais é o noso capital humano. A innovación, a flexibilidade, a creatividade, o traballo en equipo así como a formación son fundamentais para a adaptación ao noso entorno e dar resposta as necesidades dos nosos clientes.

Televés é moito máis que unha marca líder na recepción e distribución de señais de televisión. É o núcleo dun gran grupo de compañías que controla varios nichos do sector das TIC. A Corporación Televés, agrupa a 22 compañías, as cales traballan perseguindo o obxetivo común de deseñar e fabricar os mellores equipos destinados a dotar aos edificios dunhas óptimas infraestructuras de telecomunicacións.

ES FIELD DELIVERY SPAIN (FDS) é unha empresa do grupo DXC Technology (DXC), especializada no desenrolo e prestación de servizos para os diferentes clientes de DXC.

FDS ten presencia nas diferentes liñas de negocio de DXC e conta con sedes en varias cidades (Barcelona, Girona, León, Madrid, Santiago de Compostela, Sevilla, Valencia e Zaragoza).

 O Centro de Santiago de Compostela está focalizado no análise avanzado de información e Big Data, con máis de 90 profesionais especializados.

O centro de Santiago de Compostela de FDS, leva dende mais de 10 anos apostando pola formación de talento a través de programas de prácticas (curriculares e extracurriculares), tutelado de traballos de fin de grado ou de fin de master de Big Data (en colaboración coa USC) e incorporando perfís recen titulados (titulacións STEM).

A través dos programas formativos e de dispoñer de profesionais especializados con ampla experiencia en Big Data e Análise avanzado de información que acompañan as novas incorporacións permítese unha rápida adaptación aos diferentes proxectos que se levan a cabo dende o noso centro. Así, somos capaces de xerar os novos perfís relacionados cos datos que está demandando o mercado(Data Engineers, Data Scientist, BI Analyst, ...).

¿Qué ofrecemos?

Incorporación a unha empresa líder que presta servizos a importantes clientes de sectores sanitarios, retail, banca e seguros.

Plan formativo en tecnoloxías e metodoloxías relacionadas co Análise Avanzado de información e Big Data.

Altia é unha compañía de servizos de alto valor de tecnoloxías da información e consultoría de transformación dixital. Grazas ao compromiso dos seus máis de 2.200 profesionais, achegou a máis de 800 clientes a un novo mundo dixital.

Con máis de 27 anos de experiencia, é unha das primeiras compañías independentes do sector cun crecemento baseado na vocación de servizo e o compromiso cos seus clientes.

Altia cotiza, desde o 2010, no  BME  Growth. Forma parte do IBEX  Growth  Market®  All Share e do IBEX  Growth  Market® 15, índice que mide o comportamento das quince compañías con maior volume de contratación.

A empresa conta con máis 20 localizacións repartidas en 7 países (España, Portugal, Brasil, Chile, EEUU, Irlanda e Holanda); ademais conta con tres Data  Centers en Vigo, Madrid e Barcelona.

Altia é unha compañía cun enfoque innovador e global, sempre baseado no crecemento das nosas persoas.

Que ofrecemos

Un plan de carreira baseado nas persoas, onde a potenciación do talento, a formación continua e os equipos autónomos marcan os eixos estratéxicos.

• Adaptabilidade: Carrera profesional adaptada aos obxectivos e necesidades profesionais
• Proxectos diversos: Integración en proxectos diversos e diferenciais, con clientes líderes de diferentes sectores
• Empresa líder: forma parte dunha empresa de referencia no sector, independente e sen vinculación a grandes grupos tecnolóxicos.

Os nosos servizos

Altia ten unha ampla proposta de servizos e produtos cun enfoque end-to-end,  combinados coa vocación de servizo de calidade, paixón pola innovación e o compromiso cos seus clientes.

• Low Code
• Data Analytics & AI
• Cybersecurity
• Quality Management
• Smart  Solutions
• Datacenter & Cloud
• Enterprise Solutions
• Egovernment
• Omnichannel & Mobility
• Ecommerce
• Infrastructure Solutions