Revistas dos Centros Galegos

  • Aquí Galicia, Nº 11
    Aquí Galicia, Nº 11 - 2016 - Centro Gallego de Tres Cantos

    Número 11 (de decembro de 2016) da revista Aquí Galicia, publicación do Centro Galego de Tres Cantos. Ademais do saúda da presidenta, atopamos a relación de cursos e actividades organizados pola entidade ao longo do último ano, como o Día das Letras Galegas 2016, Cabalgata de Reis, Festa de Maiores, Mostra Gastronómica, Entroido, marchas nórdicas, excursións, etc., artigos de divulgación e ou recuncho de Arde-llo Eixo, a agrupación folclórica da entidade.

  •  Saudade, Nº 13
    Saudade, Nº 13 - 2016 - Agrupación Cultural Saudade

    Nº 13 (novembro de 2016) da revista Saudade da Agrupación Cultural Saudade de Barcelona. Ademais dos saúdas dos presidentes da entidade, Eduardo Méndez Gómez; da Xunta de Galicia, Alberto Núñez Feijóo; e da Generalitat de Catalunya, Carles Puigdemont i Casamajó, atopamos artigos sobre o Día das Letras Galegas 2016, cultura, turismo e historia de Galicia ou de centros galegos da diáspora como o Patronato da Cultura Galega de Montevideo; e o 'Recuncho dos socios', con obras do concurso de relatos na súa categoría infantil, e o repaso polas moitas actividades desenvolvidas pola entidade ao longo do ano.

  • Ultreia, Nº 4
    Ultreia, Nº 4 - 2016 - Centro Cultural Amigos de Galicia

    Nº 4 (de outubro de 2016) da revista Ultreia, publicación do Centro Cultural Amigos de Galicia (Reñaca, Viña del Mar - Chile). Ademais da editorial a cargo da directora da revista e presidenta da entidade, Verónica Aros, un especial sobre o Camiño de Santiago e a preparación da peregrinación; o perfil dalgún e algunha dos/as integrantes da entidade; receitas; e o resumo das actividades realizadas polo Centro ao longo de 2016, como o especial do Día das Letras Galegas do alumnado do obradoiro de cultura galega.

  • Carballeira, Nº 15, Ano XVI
    Carballeira, Nº 15, Ano XVI - 2016 - Centro Galego de Castelló O Aturuxo

    Número 15 (2016) da revista Carballeira que edita o Centro Galego de Castelló "O Aturuxo". Contén o sáuda do presidente da entidade; un especial sobre a celebración do Día das Letras Galegas 2016 e As Irmandades da Fala; o obituario de Xosé Neira Vilas, Mª do Carme Kruckenberg Sanjurjo e Agustín Fernández Paz; a entrega dos premios 'Alecrín' da FEGALCAT; a exposición 'Mariscadoras'; e a lembranza doutras actividades realizadas polo centro ao longo do exercicio así como a súa participación no XI Pleno do Consello de Comunidades Galegas celebrado na Habana.

  • O Noso, Nº 7
    O Noso, Nº 7 - 2016 - Centro Gallego de Santa Cruz de Tenerife

    Número 7 (de setembro de 2016) de 'O Noso', publicación do Centro Galego de Santa Cruz de Tenerife. No editorial dase conta das razóns que levaron a que non se publicara dende 2013 un novo número da revista; recóllese tamén a información sobre os novos membros da Xunta Directiva; o nomeamento de socios a título póstumo; actos nos que participaron os grupos do centro e actividades organizadas pola entidade, cursos, concursos, exposicións, artigos de historia etc.

  • Galicia, Nº 692 - Ano CIII
    Galicia, Nº 692 - Ano CIII - 2016 - Centro Gallego de Buenos Aires - Mutualidad - Cultura - Acción Social

    Nº 692 (de agosto de 2016) da revista Galicia do Centro Gallego de Bos Aires. Ademais do editorial a cargo de Martín Moyano Barro, atopamos diversos artigos relacionados coa modernización da entidade, as novas autoridades, e as seccións coa actividade social e cultural do Centro, artigos sobre o Hospital, a historia da entidade, etnográficos, gastronómicos etc...

  • Galicia en Mar del Plata, Ano XXXIV - Nº XLV
    Galicia en Mar del Plata, Ano XXXIV - Nº XLV - 2016 - Centro Gallego de Mar del Plata

    Número 45 (xullo de 2016) da revista Galicia en Mar del Plata, publicación do Centro Gallego de Mar del Plata. Inclúe a información sobre a Xunta Directiva e as distintas Comisións; os cursos que organiza o Centro e as distintas actividades realizadas ao longo do ano, coa programación para o que queda de 2016 (ano do 64º aniversario); os programas da Secretaría Xeral da Emigración; e artigos de historia, etnografía, cultura etc.

  • Vía da Prata, Nº 3
    Vía da Prata, Nº 3 - 2016 - Federación de Centros Gallegos en Andalucía, Extremadura y Ceuta

    Número 3 (de xullo de 2016) de Vía da Prata, publicación da Federación de Centros Gallegos en Andalucía Extremadura y Ceuta. Recóllense os saúdas do presidente da Federación, dos/as presidentes/as das entidades que a conforman (Centro Gallego de Ceuta, Lar Gallego de Sevilla, Casa de Galicia en Córdoba, Casa de Galicia en Huelva, Casa de Galicia en el Puerto de Santa María, Centro Gallego de Málaga, Casa de Galicia de Badajoz e Centro Gallego de Ceuta), do presidente da Ciudad Autónoma de Ceuta, Juan Jesús Vivas Lara, do secretario xeral da Emigración e da directora da revista. Ademais, recóllense algunhas das actividades celebradas pola Federación e os distintos centros ao longo do ano, así como a VII Xuntanza da Federación, que nesta edición tivo como sede a cidade norteafricana.

  • La Revista de AEGAMA, Nº 20 - Verán 2016
    La Revista de AEGAMA, Nº 20 - Verán 2016 - 2016 - Asociación de Empresarios Gallegos en Madrid (AEGAMA)

    Número 20 (verán de 2016) de La Revista de AEGAMA, que edita a Asociación de Empresarios Gallegos en Madrid (AEGAMA). Ademais do saúda do presidente da entidade, a información relativa á Asemblea Anual da Asociación; reportaxes coa intervención do presidente da Xunta de Galicia no “Investors Day: Think in Galicia” e a celebración do XI Pleno do Consello de Comunidades Galegas; o III Encontro de Empresarios Galegos do Mundo; artigos sobre a economía galega e as diversas actividades pola entidade así como noticias protagonizadas polos/as seus/súas asociados/as.

  • Fiestas patronales Santiago Apóstol 2016
    Fiestas patronales Santiago Apóstol 2016 - 2016 - Lar Gallego de Pamplona

    Revista do Lar Gallego de Pamplona - Casa de Galicia en Navarra co gallo das Festas patronais do Apóstolo Santiago. Inclúe os saúdas da presidenta da entidade e o secretario xeral da Emigración da Xunta de Galicia; un especial, no centenario do seu nacemento, sobre Camilo José Cela e sobre o Día das Letras Galegas 2016; a programación das Festas do Apóstolo 2016 en Pamplona; e distintas actividades organizadas pola entidade galega na capital navarra ao longo do ano.  

Páxinas