As festas de San Froilán, de Lugo, terán unha versión catalá, ao igual que acontece coa Feira de Abril de Cataluña. Os Amogis de San Froilán e a Peña Deportivista organizaron na Praza Maior de Nou Barris unha festa de sabor galego, entre os días 30 de setembro e dous de outubro. Os actos comezarán o 30 co izado da bandeira galega e os sons da Banda de Gaitas Rosalía de Castro de Cornellá.

O próximo un de outubro haberá actuacións do Centro Galego de Barcelona, a Escola de baile Tot Compás, a Banda Sinfónica de Nou Barris, o grupo Toxos e Xestas de Barcelona e Airiños Galegos da asociación Alborada de Llagosta.

O día dous a música correrá a cargo da banda de gaitas Cantigas e Agarimos de Badalona e, entre outras actividades, haberá unha misa en honor a San Froilán con música de grupos galegos.

Fonte: La Región Internacional | Foto: Facebook San Froilán Nou Barris