O pasado 23 de xullo o Centro  Galego de Castelló " O Aturuxo" celebrou o Día de Galicia e o Santiago Apóstolo. Os actos comenzaron cunha celebración eucarística na parroquia de Sto. Tomás de Villanueva, que foi oficiada polo párroco lucense José Rodriguez, e na que o presidente do Centro Galego, Xosé Filgueira, realizou unha ofrenda ao Apóstolo no nome da entidade, e durante a que, entre outras, sinalou a  petición do recoñecemento do Camiño Portus Apostoli para o ano 2018,  agradecendo a tódalas e tódolos presentes a súa asistencia. Ao remate, tivo lugar unha procesión coa imaxe do Santo Apóstolo polo adro da igrexa, que foi acompañada co disparo dunha mascletá.

A festa tivo a súa continuación cun xantar de irmandamento nas instalacións sociais da entidade "O Faiado", onde asisitiron a vicealcaldesa de Castelló, Ali Brancal, o tenente alcalde, Antonio Lorenzo,  presidentas e presidentes e representantes das casas rexionais asentadas en Castelló (Aragón, Asturias, Andalucía, Murcia e Castela-A Mancha) e o presidente do Centro Galego de Valencia, persoas asociadas e convidadas, e durante o que se serviu un menú de platos e viños galegos elaborado e servido por socias e socios e directivos da entidade.

Fonte e fotos: Centro Galego de Castelló "O Aturuxo"