Miranda visita as comunidades galegas en Cataluña, e insta a profundar na unidade de esforzos

O secretario xeral da Emigración reúnese con representantes de entidades para poñer ao día a información sobre as vías de colaboración.

Estúdanse fórmulas para optimizar esa colaboración para o vindeiro ano 2018, e tamén entre as propias entidades.

Imaxe da xuntanza celebrada en Cornellà de Llobregat (Barcelona)
Imaxe da xuntanza celebrada en Cornellà de Llobregat (Barcelona)
Cornellà de Llobregat / Santiago de Compostela, 6 de novembro de 2017.
Listen to this page using ReadSpeaker

O secretario xeral da Emigración, Antonio Rodríguez Miranda, reuniuse hoxe con directivos e directivas de diversas entidades galegas con presenza en Cataluña. Á cita de traballo, a desenvolver na Xuntanza de Asociacións Galegas en Cataluña na súa sede en Cornellà, asistiron representantes desta entidade e máis da Unión de Asociacións Galegas de Catalunya, da Asociación Centro Galego e de Casas de Galicia de Barcelona e Provincia, así como dos Centros Galegos de Sabadell e de Tarragona.

O secretario xeral da Emigración púxose ao día no referente á información sobre as vías de colaboración entre o Goberno galego e as distintas entidades galegas en Cataluña, e “as e os galegos residentes nesta terra foron exemplo cando decidiron unir esforzos. Insto ás directivas das entidades a profundar nesa idea de unidade, de maneira que tanto as súas iniciativas, como as que desenvolvemos desde a Administración coa súa colaboración, teñan máis forza, e toda a repercusión posible na contorna onde desenvolven a súa actividade”, afirmou Rodríguez Miranda.

Galegas e galegos en Cataluña
No conxunto da Comunidade Autónoma catalá están censados, segundo os datos do Instituto Nacional de Estatística a 1 de xaneiro de 2017, un total de 71.574 galegos e galegas de nacemento, das e dos cales 61.000 (o 85’22 por cento) residen en Barcelona e provincia. Como dato estatisticamente curioso, a provincia de procedencia máis numerosa é a de Lugo (26.293 persoas, un 36’7 %), algo moi pouco habitual entre a diáspora galega.

628 lecturas