MENSAXE DE CONDOLENCIA POLO ATENTADO DE LONDRES
Santiago de Compostela, 23 de marzo de 2017.
Nun novo día de loito internacional provocado pola barbarie gratuíta e arrepiante, a Galeguidade universal expresa o seu total rexeitamento a calquera tipo de violencia, e a súa fonda solidariedade coas vítimas do atentado no centro de Londres, cidade na que se asenta unha importante colectividade de galegas e galegos, golpeada directamente nesta ocasión, e á que quere transmitir o seu máis firme apoio nestes momentos tan difíciles.
Pobo integrado e integrador, o galego sabe que o futuro constrúese sobre os piares do diálogo, o respecto, o acordo e o progreso. A intransixencia non poderá con nós. A violencia non vencerá.
Novas relacionadas