A Fundación Galicia Innova desenvolverá en diversos países de América o "Programa de Desenvolvemento da Intelixencia Competitiva no PEME (COMPYTE)". Trátase de cursos de formación orientada á preparación da persoa para a súa entrada nun mundo globalizado e un mercado cada vez máis esixente e especializado, onde a Intelixencia Competitiva brinda a metodoloxía necesaria para captar, asimilar e explotar de xeito óptimo a información deste ámbito a prol de detectar novas oportunidades e facilitar e facer mais eficiente o proceso de toma de decisións. É, pois, unha materia novidosa, similar á Vixilancia tecnolóxica, con práctica e consultoría individualizada para a busca de oportunidades, mercados, tendencias... e como enlazala coa toma de decisións nas empresas.

Obxectivos e características do programa
A súa recente implantación proporciona unha nova especialización laboral e abre a porta á aparición dun novo nicho de postos de traballo e ofrece un enfoque novidoso para as e os emprendedores.

O apartado teórico conta cun extenso programa que se poderá descargar no apartado Formación da web www.fundaciongaliciainnova.org. O módulo práctico require realizar prácticas en empresa a escoller entre as 60 entidades colaboradoras.

Para participar nos cursos requírese ser español/a (DNI ou pasaporte) e menor de 35 anos (as persoas que cumprisen 35 despois do 1 de xaneiro de 2014 tamén poderían acceder), e levar residindo nos países participantes, como mínimo dende o 14 de agosto de 2013

Cidades e datas de celebración dos cursos:

• Bos Aires: do 9 ao 20 de xuño
• Panamá City: do 30 de xuño ao 11 de xullo
• Río de Xaneiro: do 14 ao 25 de xullo
• México DF: do 8 ao 19 de setembro
• Montevideo: do 8 ao 19 de setembro

Ficha dos cursos:

• Duración: 10 Horas teóricas + 4 Horas de consultoría individualizada de aplicación práctica
• Coste: Financiado pola Dirección General de Migraciones - Ministerio de Empleo y Seguridad Social
• Nº de participantes: máximo 24 por país
• Inscricións: no enderezo de correo-e formacion@fundaciongaliciainnova.org indicando o nome, teléfono e D.N.I.
• Máis info: www.fundaciongaliciainnova.org/formacion.html