A Coruña e Valencia abren novas rutas aéreas

Listen to this page using ReadSpeaker
30 de abril de 2010.

Un avión da aerolínea Air Nostrum foi bautizado no aeroporto de Manises, en Valencia, co nome de «Galicia». O acto, ao que acudiron o conselleiro de Presidencia, Alfonso Rueda, e a secretaria xeral para o Turismo da Xunta, Carmen Pardo López, coincidiu coa inauguración das novas rutas da citada compañía aérea.

Segundo a Xunta, Air Nostrum agradeceu a dispoñibilidade para colaborar coa Xunta de Galicia, a través da Secretaría Xeral para o Turismo, no obxectivo de conseguir unha maior difusión e coñecemento de Galicia a través da utilización das aeronaves e do transporte aéreo de pasaxeiros como soporte publicitario excepcional para a promoción turística interior e exterior de Galicia.

Novas rutas

No caso da ruta A Coruña-Valencia os horarios serán os martes ás 13.50 horas e os domingos as 10.15 horas. En paralelo, as naves despegarán de Valencia ás 15.55 horas os martes e xoves e ás 12.20 horas os domingos. A pesar de todo, entre o 25 de xullo e o 5 de setembro non operarán os voos. Os billetes xa están á venda desde 79 euros, ida e volta e todo incluído.

Coa inauguración destas dúas novas rutas directas Air Nostrum pasa a operar 9 enlaces e 55 frecuencias semanais nos 3 aeroportos galegos. Na subtempada de agosto, do 23 de xullo ao 5 de setembro, Air Nostrum enlazará ademais Santiago de Compostela con Gran Canaria e Tenerife.

2022 lecturas