Do martes 11 de abril ao venres 26 de maio permanecerá exposta no Instituto Cervantes de París  a mostra de fotografía José Suárez. Unos ojos vivos que piensan.

Inauguración:

• 19:00 h: Auditorio. Mesa redonda de presentación da exposición José Suárez: Una vida, una obra, por Xosé Luis Suárez Canal e Manuel Sendón Trillo, comisarios da exposición.
• 20:00 h. : Sala de exposicións. Inauguración coa presenza de Román Rodríguez González, conselleiro de Cultura, Educación e Ordenación Universitaria da Xunta de Galicia e Ana Isabel Vázquez Reboredo, directora-xerente da Fundación Cidade da Cultura de Galicia.

Horarios de visita: de luns a venres de 10:00 a 20:00 h. Sábados, de 10:00 a 17:00 h.

José Suárez (Allariz, 1902 – A Guarda, 1974) é unha das figuras máis interesantes e destacadas da fotografía galega do século XX. Nunha época na que predominaban os/as fotógrafos/as por encarga e unha visión costumista da sociedade galega, José Suárez revélase como un artista consciente da súa autoría. A súa obra reflicte unha gran preocupación humanista, incorporando novidades formais propias dos movementos de vangarda europeos como a Nova visión ou a Nova obxectividade, un intelectual admirado polos/as seus/súas coetáneos/as, un namorado de Xapón e Iberoamérica que cambiou o éxito no exilio polo esquecemento na súa terra.

Máis info: en paris.cervantes.es